Filipae 3:13 - Buka Blahi Ka Cheke Holo

¹³ Kheraguro, iara thegu na theome ghathoni la hatahi taba igne teuna. Nu kaisei glepo te eni iara gognaro na, iara magnahaghei te ghatho kokodi glepo teke edi iara tifa re, eghuteuna fariuriu mala hatagna taba nathuꞌu nauriha na.

Filipae 3:13 ပူးပေါင်းရင်းမြစ်များ

Luku 9:62

Mae Jisas ne cheke eghu ka mana, “Mae ihei te snakredi keha naiknore te mala fanogrini nogna gloku God na, mana theome nabagna te au baludi naikno te funei frunidi God re.”

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Fapea Pita 3:8

Uve kheraguro, kaisei glepo ngala te mala ghatho tahuni ghotilo na. Ka gaoghathogna noda Lord na, kaisei narane na jateula kaisei thogha finogha eghu, eghuteuna kaisei thogha finogha na jateula kaisei narane eghu ka gaoghathogna Lord na.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Nodi Khoje Hatimare Mae Jiu 45:10

Iagho sua gaꞌase te magnahaghei tolaghi ka king teu ia, fanomho fakeli ka unha nate chekeni iara gne nei ghathoni eghu. Iagho na theome fanomho ka nodi farirhiu kheramu nei vikemu te au teu ka namonodire.