Filipae 3:11 - Buka Blahi Ka Cheke Holo

¹¹ Eghuteuna leghu lahu na iara magnahaghei te karha fapulo ka glehe jateula mana eghu.

Filipae 3:11 ပူးပေါင်းရင်းမြစ်များ

Thakle 20:5

Igne narane ulu lahu teke fakarha fapulodi God naikno teke lehehira. Keha naikno teke lehere God na theome fakarha fapulodi ka narane tuana, nu mare na ofou ghilei thokeni kaisei thogha finogha.

Mae Khuru 26:7

Eghuteuna nabotho phei vikemi ghehati re neke pogho soru ka God bongi narane, naugna mare ofou mala filoni thoke meigna u nhaꞌa cheke igne. King Agripa, hatimare mae Jiu gre fathoro ghau iara gognaro na naugna iara jaola ofoni nhaꞌa cheke igne!

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Hibru 11:35

Keha gaꞌase te fatutuani ni God, thudi teke lehere neke karha fapulo. Keha naikno te fatutuani ni God re, mae te naoka ka mare re puridi ne ghilei lehe, naugna mae naokare ne cheke eghu ranghidi, “Ghehati tangomana te fasnagla ghami eghu jame te chekeni ghotilo te theome fatutuani ni God teuna.” Nu mae fatutuanire ne cheke eghu, “Theo fara! Ghehati theome magnahaghei te leghuni nomi vetula ghotilo na.” Mare magnahaghei te karha fapulo ka glehe te mala au fabrahu balugna God kligna.

Fapea Tesalonika 2:3

Thosei snakreni kaisei naikno me chaghi ghami, naugna narane meigna noda Lord Jisas Kraes na theome tangomana te mei ghilei thoke mei narane kmana naikno nate figri tagruni God. Eghuteuna mae tuana mare kiloni mana, “Mae mala huhughuni vetula,” mana na kulu meila. God ginauna roꞌeni mae te diꞌa tuana.

Ululahu Tesalonika 3:5

Naugna igne, iara kuru arini mae Timoti ka ghotilo mala tangomana iara te laseni nomi fatutuani ghotilo na. Iara kuru arini mana kate theome tangomana ofo te raugha. Te mhaghuni iara na mae Satan jame neke fariuriu ghami ghotilo, eghuteuna nakmusa fateo te edi tahati igre ginauna na theo nafudi kolho.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Ululahu Korin 9:27

Tutuani, iara thofno funei frunini nakarhagu thegu na mala nogu mae sneka iara. Naugna iara magnahaghei fara te hatini u thofno nakarha na. Uve, kate toutonuni iara ka naiknore eigna nabrou te mala hata thofno nakarha na, iara thegu na jaola leghuni nabrou tuana, na eghunu theome hata iara tabadi naikno khiloau te fatutuani ni Kraes re eghu.

Ululahu Korin 9:22

Kate au iara baludi iheire te theome heta nodi fatutuani na, iara na leghudi keha puhi te edi mare re, mala tangomana iara te toghodi mare te mala fatutuani ni Kraes. Tutuani iara leghudi thua nafnata puhidi naikno te gnafare. Iara fariuriudi nabrou te gnafare mala tangomana te toghodi keha naiknore mala hatini u thofno karha na.

Letas Teke Riso Tei Mae Pol Ka Khiloau Rom 11:14

Iara togho ghami naugna iara magnahaghedi mae kheragu Jiu gre te goghotu na mala tangomana keha ka mare te mei ka God te mala karha na.

Jone 11:24

Mafa ne cheke eghu ka mana, “Iara laseni mana ginauna nake karha fapulo ka narane mala karha fapulodi naikno te gnafare kau narane leghu lahu na.”

Luku 14:14

Te eghu iagho na, iagho tangomana te gleale'a na. Naugna neubane theome ke tughuni mare gaghamu teke eni iagho tuana, God ginauna nake tughu fapuloni ka iagho, kau narane nate kegra fapulodi naikno te kelire.”

Nodi Khoje Hatimare Mae Jiu 49:7

Filo sagho, theo kaisei naikno te tangomana te foli fapuloni thegna ka sileni na. Tutuani, mana theome tangomana te tusu lao sileni ka God te mala ke foli fapuloni nakarhagna na.

Mae Khuru 27:12

Jaola naprona te poru mare igne theome raꞌe keli ka nhigra khoburu na. Aonu mae te kmana re magnahaghei te jifla mala fariuriu tei thoke ka namono Finiks mala poru jare. Vido igne kaisei naprona keli fara mala poru te au ka moumolu Krit, au fei te mala plulu naprai.

Ululahu Korin 15:23

Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.