Filipae 2:9 - Buka Blahi Ka Cheke Holo

⁹ Naugna igne, God ne fafnaknoni mana ne tusu ranghini kaisei nangha te biꞌo tulao ke uludi nangha te gnafare.

Filipae 2:9 ပူးပေါင်းရင်းမြစ်များ

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Profet Isaia 52:13

Lord ne cheke eghu, “Unha nate edi nogu mae gloku iara igne ginauna ari thofno horoghoto fara. Naiknore ginauna ghatho tahuni nei pala hagheni eghu nanghagna mana na kligna.

Thakle 5:12

Mare ne koje eghu fabiꞌo, “Mae Lam igne naiknore neke faleheni mana. Tahati nabada te cheke fakelini mana, naugna mana au nolaghi biꞌo, dedei, gaoghatho te keli, nanheta, nafnakno nei fablahi!”

Profet Daniel 7:14

Mae te au fabrahu funu tifa igne ne vahini mana mala mae king, eghuteuna tusu ranghini nolaghi nei nafnakno biꞌo. Eghuteuna naikno te au ka kantri te gnafa, kokholo te gnafa nei cheke te gnafa teu igre ginauna pogho soru ka mana. Eghuteuna nogna nolaghi mana te mala funei frunidi naiknore ginauna au fabrahu tifa tifa.

Hibru 1:4

Eghume, gognaro na mae Thugna kaisei mae biꞌo fara ke uludi hatimare mae engel. God jaola neke tusu ranghini mana kaisei nangha te biꞌo fara ke uludi hatimare mae engel.

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Nodi Khoje Hatimare Mae Jiu 110:5

Lord na kegra balumu iagho mala faheta nigho iagho. Kate diꞌatagna na, mana ginau magra mala falehedi hatimare mae king.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Luku 10:22

“Mae Kmagu iara na la lisa meihi ka khamegu iara na gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire teke vahidi iara re ngala, iara ginauna cheke ranghidi eigna mae Mama, eghuteuna mare ginauna jaola laseni mae Mama.”

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nodi Khoje Hatimare Mae Jiu 91:14

Lord neke cheke eghu, “Iara ginauna fakarhidi iheire te namha ghau iara re. Uve, iara ginauna batudi mare, naugna mare ne thofno chekeni te iara ngala Lord na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Fapea Pita 1:17

Eghuteuna ka narane tuana God Kmada neke fafnaknoni nanghagna mae Jisas na, eghuteuna fasiasiglani mana ka nogna nolaghi te biꞌo na. Naugna God mae te nolaghi fara kligna lahu na neke cheke eghu mei, “Igne thofno mae Thugu iara na. Iara namhani mana nei keli taguni eghu mana.”

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Jone 13:3

Eghuteuna, mae Jisas kulu lasenihi mae Kmagna na neke tusu ranghini nolaghi te mala funei frunidi gobigna lepore, nu mana laseni la mana neke mei funugna ka God nei nake pulo la ka God.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Fapea Tesalonika 1:12

Jame eni ghotilo igne na, nanghagna noda Lord Jisas Kraes na ginau fnakno ke lamnami. Eghuteuna ghotilo tangomana te hata nafnakno ka mana. Nafnakno tuana mei funu ka nogna namha noda God nei Lord Jisas Kraes.

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”

Fatilo Jone 1:7

Eigna mare tei toutonuni mae Kraes. Nu mare theome hata thotogho ka hatimare mae bongihehe, neuba mare ne toutonu ranghidi u Nonomho te Keli eigna mae Jisas Kraes.