Filipae 2:29 - Buka Blahi Ka Cheke Holo

²⁹ Naugna igne, ghotilo taji fakelini mana balu gleale'a fara ka nanghagna Lord. Eghuteuna ghotilo jame kafe ghatho tahudi nafnata naikno jateula mae Epafrodaetus gne teugre.

Filipae 2:29 ပူးပေါင်းရင်းမြစ်များ

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Ululahu Tesalonika 5:12

Uve kheraguro, ghehati gognaro na tore ghami ghotilo mala ghatho tahudi naikno te loku heta balumi ghotilo, iheire God teke vahidi mala reireghi ghami nei farirhiu ghami eigna nakarhagna khiloau na.

Ululahu Korin 16:18

Thilomare faglealeꞌa ghau iara jateula mare teke faglealeꞌa ghami ghotilo tifa ia eghu. Ghotilo mala ghatho tahudi nafnata mae igre.

Letas Teke Riso Tei Mae Pol Ka Khiloau Rom 16:2

Iara tore ghami ghotilo te mala toghoni naꞌa ka puhigna khiloau. Eghuteuna jame te kmo'e naꞌa ka unha glepo na, ghotilo mala toghoni naꞌa, naugna naꞌa la toghodihi kmana naikno nei jaola togho ghau iara.

Fapea Korin 10:18

Eigna mae ihei Lord te ghatho tahuni na, mana ngala te magnahagheni God na, theome mae ihei te ghatho tahuni thegna na.

Ululahu Korin 16:10

Jame te ari mae Timoti ka ghotilo na, ghotilo mala reireghi fakelini mana naugna mana jateula iara eghu loku ranghini Lord.

Fatilo Jone 1:10

Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Fapea Korin 7:2

Ghotilo mala falalaseni te namha ghami ghehati na. Ghehati theome eni kaisei najafra ranghini kaisei naikno. Ghehati theome goigonini kaisei naikno, nei ghehati theome chaichaghini kaisei naikno.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Mae Khuru 28:10

Naiknogna moumolu tuana ghatho tahu ghami ghehati ne namha kmana glepo. Eghuteuna kate namo jifla ghehati na, mare ne luja mei ka vaka na unha te nabagna nomi thei ghehati na.

Mae Khuru 8:8

Aonu naiknogna namono tuana ne thono keli tadi fara ka mae Filip.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Luku 9:5

Eghuteuna te posa ghotilo ka kaisei namono ne theome magnahaghei ghami naiknogna namono tuana ba tirodi fanomho ka chekemi ghotilo re, jifla kokoni namono tuana. Kate jifla na, ghotilo ghiha koko gnagnapa te au ka ghahemi are ke uludi eghu. Igne kaisei fagaglana te mala falalaseni ghotilo ka naiknore God ginauna na fatedi.”

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Filipae 2:28

Tuana gaoghathogna teke magnahaghei kuru fapuloni mana iara ka ghotilo na, mala ke gleale'a ghotilo kate filoni mana na. Eghuteuna mala theome ke nanga nogu iara eimi ghotilo.