Filipae 2:27 - Buka Blahi Ka Cheke Holo

²⁷ Mana neke thono fogra fara neke namo lehehi. Nu God neke kokhonini, neke fakarhini mana. God jaola ngau neke kokhoni ghau iara, naugna jame te lehe mana na iara jaola neke lehe ka diꞌanagnafa.

Filipae 2:27 ပူးပေါင်းရင်းမြစ်များ

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Filipae 2:30

Naugna mana neke namo lehehi ka teke loku ranghini mae Kraes na. Mana neke theome mhaghuni glehe na kate ke togho ghau iara ka gloku te theome tangomana ghami ghotilo te eni na.

Fapea Korin 2:7

Nu gognaro na ghotilo hata fadeleidi nakhibogna mana re nei toghoni eghu mana mala thosei diꞌanagnafa mana. Na eghunu diꞌanagnafa fara mana me ghilei babaꞌo eghu.

Ululahu Korin 10:13

Gobigna lepo te mei fariuriu ghami ghotilo igre, nafnata glepo thoke dila naikno te gnafare. Nu God ginauna theome ghatho ihoni nogna nhaꞌa cheke te mala togho ghami na. Tutuani, mana ginauna theome snakreni kaisei fariuriu mala funei frunini nomi nolaghi ghotilo na. Naugna kate thoke mei ka ghotilo fariuriu na, God ginauna togho ghami ghotilo mala tangomana ghotilo te kegra heta na. Aonu, God ginauna jaola tusu ranghi ghami kaisei nabrou te mala gnafagna u fariuriu tuana.

Mae Khuru 9:37

Aonu naꞌa fogra ne lehe kate au teu mae Pita Lida na. Mare fagagae thinigna na ne lilisei neu ka chogho na ke kligna suga.

Thoutonu Eigna Mae Job 5:19

God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Profet Jeremaea 10:24

Lord fadoglini nakarhagu gne, nu eni ka puhi te doglo kolho. Jame te fadogli ghau iara iagho kate diꞌatamu na, iara ginauna na theo nafugu kolho.

Profet Jeremaea 8:18

Mae profet ne cheke eghu, “Iara diꞌanagnafagu fara la ghilei thofno glaꞌe soru gaoghathogu na.

Profet Isaia 38:17

Iara nabagu te au papara na, mala filo glani iara nou namha biꞌo iagho, te fakarhi ghau iara ka hoholo biꞌo igne. Eghuteuna iagho la hata kokohi nakhibogu iara re, la koko faleghuhi ke leghumu, la ghatho iho noudihi.

Profet Isaia 27:8

Puhi te para ghita na te khi fajifla ghita mana te mala tei kokoni tahati noda namono igne. Uve, nolaghi te khi ghita mana igne jateula nolaghi gna nuri te brana te ghaghafa mei ke maghati ra eghu.

Fapea Kings 20:1

Theome raugha armi gna Asiria igne mei ne magra Juda, King Hesekaea ne fogra fara ne ghilei namo lehe. Aonu profet Isaia thugna mae Amos, tei ne cheke eghu ka mana, “Lord ne cheke eghu, ‘Te keli na iagho fadoglidi nou gobigna lepore, eigna iagho ginauna lehe, eghuteuna iagho ginauna theome tangomana na teke keli fapulo na.’ ”

Profet Jeremaea 45:3

Naugna iagho neke cheke eghu, ‘Iara thofno diꞌa nagnafagu fara, naugna Lord ne ei puhi biꞌo ranghi ghau iara fabrahu! Iara gne la ghilei babaꞌo, naugna naꞌau papara te eni iara igne theome gnafa.’

Filipae 2:26

Mae Epafrodaetus gne thono magnahaghei teke ari filo ghami ghotilo. Mana nanga nogna fara naugna ghotilo la nomhinihi mana teke fogra agnea.

Filipae 2:28

Tuana gaoghathogna teke magnahaghei kuru fapuloni mana iara ka ghotilo na, mala ke gleale'a ghotilo kate filoni mana na. Eghuteuna mala theome ke nanga nogu iara eimi ghotilo.