Filipae 2:26 - Buka Blahi Ka Cheke Holo

²⁶ Mae Epafrodaetus gne thono magnahaghei teke ari filo ghami ghotilo. Mana nanga nogna fara naugna ghotilo la nomhinihi mana teke fogra agnea.

Filipae 2:26 ပူးပေါင်းရင်းမြစ်များ

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Efesus 3:13

Eghume iara magnahaghei te cheke faheta fara ka ghotilo, thosei glaꞌe kate filo ghau iara te au papara eimi ghotilo gne, naugna iara eni igne mala togho ghami ghotilo.

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Proveb 12:25

Mae te nanga nogna fabrahu na, mana ginau diꞌanagnafa fabrahu. Nu cheke te keli na, pala hagheni gaoghathogna mana na.

Filipae 4:1

Eghume, kheraguro, iara magnahaghei ghami ghotilo jateula teke chekeni iara ka ghotilo ia eghu kegra heta ka nomi fatutuani na ka Lord. Iara thono namha ghami ghotilo nei magnahaghei te filo ghami ghotilo. Uve kheraguro, iara gleale'a fara nei thono fahaehaghe ghau fara eigna nakarhami ghotilo na. Naugna ghotilo jateula kaisei taba eghu ka gloku biꞌo te eni iara gne.

Letas Teke Riso Tei Mae Pol Ka Khiloau Rom 9:2

Igne te chekeni iara na. Iara tahu fara gaoghathogu na, eghuteuna iara diꞌanagnafagu koba naugna mae Jiu, mae ihei te kheragu thofno iara nei thofno vikegu iara teuna, theome fatutuani ni mae Jisas. Iara magnahagheni God te mala para ghau iara nei hata fajifla ghau ka Kraes, jame tangomana te toghodi mae Jiu gre mala fatutuani ni mana.

Matiu 26:37

Mana ne cheke ka mae Pita, mae Jemes ghe mae Jone phei thugna mae Sebedi mala tei balugna. Aonu mae Jisas ne funu diꞌanagnafa ne kokhonini.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Fapea Samuel 13:39

Eghuteuna kate gnafa nogna diꞌanagnafa eigna mae Amnon na, mae Devet magnahaghei fara teke filoni mae Absalom.

Ululahu Pita 1:6

Naugna igne ghotilo tangomana te gleale'a, neubane au papara ghotilo katha vido kmoꞌei ka kmana nafnata fariuriu ka nauthoglu igne.

Filipae 1:3

Iara cheke fakelini God koba kate ghatho ghami ghotilo na.

Galesia 6:2

Jame kaisei mae au puhi biꞌo tagna, ghotilo toghoni mana. Te eni ghotilo igne na, ghotilo thofno leghuni nogna vetula mae Kraes na.

Fapea Korin 9:14

Eghuteuna kate tarai na, mare ginauna ghatho ghami ghotilo balu namha biꞌo. Naugna mare ginauna filo glani u khokofakasai teke tusu ranghi ghami God igne.

Ululahu Korin 12:26

Jame kaisei vido au papara, keha vidore na jaola au papara. Ba jame kaisei vido ka thinida na fnakno, keha vidore na mala jaola gleale'a.

Letas Teke Riso Tei Mae Pol Ka Khiloau Rom 1:11

Naugna iara magnahaghei fara te ari filo ghami ghotilo na, eigna God magnahaghei ghau iara te ari togho ghami ghotilo mala hata ghotilo nogna nolaghi Tharunga te Blahi na te mala farhetadi nomi fatutuani re.

Mae Khuru 21:13

Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Thoutonu Eigna Mae Job 9:27

Neuba iara ne fariuriu mala glealeꞌa mala ghatho ihodi nogu diꞌanagnafa re neu, nu iara theome tangomana ghau.

Fapea Samuel 24:17

Kate filoni King Devet engel te goigonidi naiknore igne, mana ne tarai eghu ka Lord, “Lord, iara la thofno tapla jafra ka nakhibo! Naikno igre jateula sipu eghu leghuni nodi mae mala baubatu na kolho. Mare theome eni kaisei glepo te diꞌa. Jame te keli na, iagho para ghau iara nei tharaknagu iara gre eghu kolho.”

Filipae 2:25

Te doglo ka gaoghathogu iara na fapea fata kuru arini mae kherada Epafrodaetus ka ghotilo. Mana neke loku nei togho ghau iara eghu ka nogna gloku mae Kraes.

Filipae 2:27

Mana neke thono fogra fara neke namo lehehi. Nu God neke kokhonini, neke fakarhini mana. God jaola ngau neke kokhoni ghau iara, naugna jame te lehe mana na iara jaola neke lehe ka diꞌanagnafa.