Filipae 2:21 - Buka Blahi Ka Cheke Holo

²¹ Keha naiknore ghathodi thedi kolho, eghuteuna tirodi hironi puhigna mae Jisas Kraes.

Filipae 2:21 ပူးပေါင်းရင်းမြစ်များ

Ululahu Korin 10:24

Eghume, theome tangomana kaisei naikno te ghathoni kolho thegna na. Nu tahati mala eni unha te keli na mala toghodi keha naiknore.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Filipae 2:4

Thosei khogla ghathoni kolho unha te magnahagheni themu na, nu te keli na, kulu ghathoni ghu unha te magnahagheni mae kheramu fofodu na.

Fapea Timoti 3:2

Ka narane tuare naiknore ginauna ghathodi thedi kolho, nei magnahaghei sileni fara. Mare ginauna fahaehaghe nei fabiꞌobiꞌo fara, eghuteuna mare ginauna cheke fadiꞌadi keha naiknore. Mare ginauna theome leghudi idodi ba kmadire. Naiknore ginauna theome tegio ka God ba theome nafnata naikno God te magnahagheni.

Ululahu Korin 10:33

Ghotilo mala leghuni puhigu iara na. Naugna leuleghu fata na iara fariuriu toghodi keha naiknore te mala heta nodi fatutuani na. Iara theome hironi te mala fakeli ghau thegu na, nu ghathodi keha naiknore mala toghodi, nei mala tangomana God te fakarhidi.

Ululahu Korin 13:5

Mana na theome mala famamaja naikno, theome mala ghamu nhoto, nei theome mala ghosei diꞌatagna. Mana na theome mala ghathoni unha najafra teke eni ranghini kheragna fofodu na.

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Profet Isaia 56:11

Mare jateula khuma te rofo fara, eghuteuna neuba mare ne ghamu, nu mare theome tangomana te boho na. Mae lida igre theome laseni puhigna Lord te keli na. Mare te gnafa na leghudi kolho gaoghathodi thedi te mala atha unha glepo te keli na.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Fapea Korin 1:5

Ghehati au papara ka kmana puhi jateula Kraes eghu, eghuteuna God neke tusu ranghi ghami nogna thotogho biꞌo fara eigna ghehati nogna Kraes.

Fapea Timoti 4:16

Ulu lahu te hata ghau iara mare ka fate na, theo kaisei naikno te togho ghau iara na. Thono theo fara. Mare kafe tei koko ghau iara, nu iara taraidi mare mala ghatho ihodi God najafra teke edi mare re eghu.

Mae Khuru 15:38

Nu mae Jone Mak gne neke tei kokodi phiamare tifa Pamfilia neke theome loku fabrahu baludi. Aonu gaoghathogna mae Pol na jame theome gaoghatho keli teke hata mae Jone Mak baludi na.

Mae Khuru 13:13

Mae Pol nei iheire eghu te tei balugna re ne saghe ka vaka funu Pafos ne tei longa Pega, kaisei namono ka Provins Pamfilia. Nu mae Jone Mak ne jifla kokodi mare neke pulo Jerusalem.

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.

Fapea Timoti 1:15

Iagho lasedi mae Fijela ghe mae Hemojeni baludi keha naikno ka Provins Esia mare la tei koko ghauhi iara.

Fapea Kings 12:6

Nu ke lamnadi varadaki thilo finogha te king mae Joas igre, hatimare mae pris igre neke theome eni kaisei gloku ka Sugablahi na.