Filipae 2:15 - Buka Blahi Ka Cheke Holo

¹⁵ Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Filipae 2:15 ပူးပေါင်းရင်းမြစ်များ

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Diutronomi 32:5

“Ghotilo naiknomi Israel theome leghuni u puhigna Lord te doglo na. Kokhoni ghami fara, ghotilo famamaja ghami themi eghume ghotilo theome nabami te au jateula thugna Lord teuna, nu ghotilo naikno chaghi nei leghuni kolho puhi te diꞌa na.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Ululahu Timoti 3:10

Mae ihei te magnahaghei totogho ka khiloau na, iagho ulu lahu na kulu filo fakelini ghu mana. Eghuteuna kate laseni iagho te keli mana nakarhagna na, iagho tangomana te snakreni mana mala loku ka khiloau.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Filipae 1:10

Eghume ghotilo ginauna tangomana te lasedi glepo te doglore. Ka puhi tuana ghotilo ginauna au fakeli nei doglo eghu ka narane teke pulo meigna mae Jisas Kraes.

Efesus 5:27

Naugna kate hata mei Kraes khiloau na ka thegna na, mana magnahagheni khiloau na te famane keli fifilogna na mala theo kaisei najafra tagna, nu mala thofno doglo fara nei blahi eghu.

Letas Teke Riso Tei Mae Pol Ka Khiloau Rom 16:19

Naikno te gnafare nomhinihi eigna te kegra heta ghotilo ka nomi fatutuani na. Iara gleale'a fara ka ghotilo eigna igne. Nu iara magnahaghe ghami ghotilo te mala thofno lase fakelidi mala edi glepo te kelire, nei iara magnahaghe ghami ghotilo te mala thosei ghathodi mala edi kolho glepo te diꞌare.

Mae Khuru 2:40

Kmana kmana glepo fara teke chekedi mae Pita ka mare re. Eghuteuna mae Pita ne cheke faheta eghu ka mare, “Thosei leghudi puhidi naikno te diꞌa gognaro gre, na eghunu fate ghami God ginauna jateula naikno te diꞌa tuare eghu.”

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Taetus 2:15

Uve, iara magnahaghe nigho te farirhiudi naikno khiloaure u glepo te chekedi iara ka iagho igre. Iagho au nou nolaghi te mala toghodi mare te mala leghudi u farirhiu igre, nu ne theome leghudi nga mare u farirhiu igre nu chekedi iagho ka mare unha glepo te keli te mala edi mare re eghu. Iagho eni igne ka puhi te mala theome tangomana kaisei naikno te filo fapari nigho na.

Taetus 1:6

Igne u nafnata naikno te mala vavahi iagho te mala baubatu kau khiloau na. Nu mae ihei te vavahi iagho na, mana mala kaisei mae te thono keli fara puhigna na, nu naiknore theome tangomana te filo deni kaisei najafra ka mana. Mana jaola mala tolaghi ka kaisei gaꞌase kolho. Eghuteuna thugna mana re mala fatutuani ni mae Jisas Kraes. Theome mala eni kaisei puhi te diꞌa, ba lalama ba huhughudi idodi kmadire.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Matiu 17:17

Mae Jisas ne cheke eghu, “Tore, ghotilo naikno gre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Nodi Khoje Hatimare Mae Jiu 122:5

Agne Jerusalem, hatimare mae king te mala fate ghita tahati na.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Ululahu Timoti 5:7

Iagho famane farirhiu ranghidi cheke igre mala theome tangomana kaisei naikno te cheke faparidire.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Proveb 8:8

Cheke te gnafa te chekedi iara igre thofno doglo fara, iara theome tangomana te chekeni cheke te theome doglo na.

Profet Daniel 6:4

Keha phei mae funei igre, baludi mae minista te gnafa igre ne fariu riu hirodi keha najafra ka nogna gloku mae Daniel re. Nu mare theome tangomana te filoni kaisei najafra ka nogna gloku mana igre. Naugna nogna gloku manare thofno keli fara. Mana theome tangomana te chaghi na, ba te eni kaisei najafra na.

Filipae 3:6

Iara thono keli tagu fara te mala paradi naikno te fatutuani ni mae Jisas Kraes. Iara leghu fakelidi koba nogna vetula mae Moses na.

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.

Eksodas 34:35

leuleghu fata na naiknore tangomana te filodi tathagna nei foflogna teu mana re siasigla. Aonu Moses toku tafru tathagna nei foflogna teure ghilei thokeni narane teke tei mana te mala ke cheke balugna Lord.