Filipae 2:14 - Buka Blahi Ka Cheke Holo

¹⁴ Uve, te chekeni iara ka ghotilo na, thosei au cheke leghugna nei thosei khuru magra eghu.

Filipae 2:14 ပူးပေါင်းရင်းမြစ်များ

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Letas Teke Riso Tei Mae Pol Ka Khiloau Rom 12:18

Hati nhetami na fabrahu mala au ka pharikeli baludi naikno te gnafare.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Galesia 5:15

Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Letas Teke Riso Tei Mae Pol Ka Khiloau Rom 14:1

Ghotilo mala toghoni mae ihei te theome heta nogna fatutuani na, eghuteuna thosei magra balugna mana eidi nafnata glepo te theome kaisei gaoghatho ghotilo balugna mana re.

Nodi Khoje Hatimare Mae Jiu 106:25

Mare au neu ka nodi suga thapuale re ne cheke buiburini God, ne tirodi leghuni mana.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Ululahu Pita 3:11

Mana figri lao tagrugna na ka nakhibo nei mala eni unha te keli. Mana fariuriu mala au ka pharikeli baludi keha naiknore.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Mae Khuru 6:1

Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Ululahu Tesalonika 5:13

Thofno ghatho tahudi fara nei namhadi eghu eigna nodi gloku te edi ranghi ghami ghotilo ra. Au fodu ka pharikeli.

Naba 14:27

“Niha fata buiburi ghau iara si naikno te diꞌa igrea? Tutuani, iara nomhidi nodi cheke mare te buiburi ghau iara igre.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Mae Khuru 15:39

Mae Pol ghe mae Banabas ne eni kaisei fari pholai biꞌo farihoteidi eigna igne. Aonu, phiamare fnota ne sopa thei. Mae Banabas hata mae Jone Mak balugna eghuteuna phiamare saghe ka vaka na ne tei thoke ka moumolu Saeprus.

Mae Khuru 15:7

Ke leghudi cheke te brahu eigna puhi igne, mae Pita kegra haghe ne cheke eghu, “Uve kheraguro, ghotilo lasenihi ka narane tela sala'u ra. God neke vahi ghau iara farihoteimi ghotilo mala toutonuni u Nonomho te Keli gne ranghidi naikno te theome Jiu gre mala fatutuani.

Nonomho Te Keli Teke Risoi Mae Mak 14:5

Jame te fofoli na, ginauna thokeni tabagna kaisei finogha. Eghuteuna sileni tuana mala tufa nodi naikno te kuma.” Aonu mare ne cheke fadiꞌani naikno biꞌo na.

Matiu 20:11

Kate hata nodi silenire, mare ne diꞌa tadi ka mae khoto nagare na. Mare ne funu buiburi ne cheke eghu, ‘Mae teke tei loku leghu lahu igre mare neke loku kaisei vido narane kolho. Nu iagho folidi mare na ne nanaba ka ghehati. Eghuteuna ghehati neke loku narane tongana na ke lamnagna naprai te brana fara na.’

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Nonomho Te Keli Teke Risoi Mae Mak 9:14

Kate ke pulo mei mae Jisas baludi thilo mae fanomhore, mare ne filodi kmana naikno ne mei khapru faligohodi keha mae fanomhore. Keha mae velepuhigna vetula nogna mae Moses te au teu jare re ne fari fapholai baludi mae fanomhore.

Luku 5:30

Nu keha mae Farasi nei keha mae kheradi mae velepuhigna vetula nogna mae Moses eghu ne thono buiburi fara ne cheke eghu ka nogna mae fanomho mae Jisas re, “Naugna unha site ghamu fodu ghotilo ka naikno te diꞌa mala salo takis nei keha naikno te diꞌa teu gnea?”