Filipae 2:11 - Buka Blahi Ka Cheke Holo

¹¹ Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Filipae 2:11 ပူးပေါင်းရင်းမြစ်များ

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Letas Teke Riso Tei Mae Pol Ka Khiloau Rom 14:11

Uve, te risoni ka grioriso te blahi na, Lord ne cheke eghu, “Naikno te gnafare ginauna mei tuturupuku ke ulugu iara, eghuteuna naikno te gnafare ginauna chekeni, iara God.” Cheke igre tutuani fara naugna Lord neke chekedihi.

Jone 13:13

Ghotilo kilo ghau iara ‘Mae Velepuhi’ nei ‘Lord’. Eghuteuna tuana doglo fara, naugna mae tuana ngala iara gne.

Ululahu Jone 4:2

Nu jame mae ihei te cheke eghu na, “Iara fatutuani ni mae Jisas Kraes, mana mei ka nauthoglu gne neke vuhai naikno.” Ka puhi tuana, ghotilo tangomana te laseni gaoghatho teke mei funu ka mae Tharunga te Blahi na. Tutuani, gaoghatho tuana neke funu mei ka God.

Letas Teke Riso Tei Mae Pol Ka Khiloau Rom 14:9

Naugna Kraes neke lehe, eghuteuna ke karha fapulo, mala nodi Lord iheire te karha teu ba iheire tela lehehi.

Ululahu Korin 12:3

Eghume, te chekeni iara ka ghotilo na, theo kaisei naikno te cheke eghu ka nogna baubatu Tharunga gna God na, “Jisas na mae diꞌa!” Eghuteuna ihei ngala te baubatu Tharunga te Blahi na, mana tangomana te thofno cheke eghu na, “Jisas na mae funei!”

Jone 14:13

Eghuteuna iara na eni unha te toreni ghotilo ka nanghagu iara na. Iara na eni igne ranghi ghami ghotilo mala filoni naiknore nogna nolaghi biꞌo mae Mama te thakle mei ka iara mae Thugna na.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Matiu 10:32

“Ihei te kegra ke uludi naiknore te chekeni ne fatutuani ghau iara teuna, iara ginauna cheke eigna mana ka mae Mama kligna, mana te nogu mae gloku iara na.

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 2:36

“Eghume naikno te gnafa Israel mala lase fakelini eigna God neke vahini mae Jisas mala Lord nei Kraes. Nu ghotilo neke faleheni mana kau gaju fafatha.”

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Fapea Jone 1:7

Kmana mae velepuhi chaichaghi ke lamnagna nauthoglu gne gognaro na. Mare tirodi fatutuani ni mae Jisas Kraes teke mei ka nauthoglu gne te vuhai thini jateula kaisei mae ka tahati. Nafnata naikno te tirogna fatutuani igne kaisei mae chaichaghi nei kaisei nogna naoka mae Kraes.

Ululahu Korin 15:47

Mae Adam ulu lahu na God neke vuavuhani mana ka glose gna nauthoglu igne, nu fapea Adam gne neke mei funu kligna.

Letas Teke Riso Tei Mae Pol Ka Khiloau Rom 15:9

Jaola mana neke eni igne mala tangomana naikno te theome Jiure te kilo fnaknoni God eigna God neke kokhonidi mare. Jateula te chekeni mare ka grioriso te blahi na, “Eghume iara ginauna cheke fakeli nigho God ke lamnadi iheire te theome Jiura, iara ginauna koje ka nanghamu iagho.”

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 17:1

Ke leghugna te chekedi mae Jisas glepo igre, mana filo haghe kligna ne tarai, “Mama, narane na la meihi. Fatakle meini nou nolaghi biꞌo na ka iara mae Thumu gne mala fatakle ari langau iara mae Thumu gne nolaghi biꞌo na ka iagho.

Jone 12:42

Neubane eghu ngau, kmana mae bi'odi mae Jiu ne fatutuani ni mae Jisas. Nu mare theome falalase ka ihei nga, naugna mare mhaghudi hatimare mae Farasi. Glahu faꞌau kosidi ka suga tharai na.

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Nodi Khoje Hatimare Mae Jiu 18:49

Eghume iara ginauna na pala hagheni nanghamu iagho na ke uludi iheire te theome lase nigho. Eghuteuna iara ginauna na koje fafnakno nigho eigna nanghamu iagho na.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Jone 13:14

Iara nomi mae velepuhi nei nomi funei eghu ghotilo te titihi ghahemi ghotilo gre. Eghume ghotilo mala jaola titihi ghahe fari themi.