Filipae 2:10 - Buka Blahi Ka Cheke Holo

¹⁰ Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Filipae 2:10 ပူးပေါင်းရင်းမြစ်များ

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Hibru 1:6

Kate kuru meini God thofno mae Thugna ulu lahu kau nauthoglu igne, mana ne cheke eghu, “Nogu engel iara gre mala kafe pogho soru ke ulugna mana.”

Efesus 3:14

Eghume gognaro na iara tarai ke ulugna Kmada kligna.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Matiu 27:29

Mare nhaꞌa lao kaisei khepi fifiriulu ka pha'ugna mana na. Eghuteuna mare ne faloku lao kaisei khodo fei khame nheta mala tithini mae king mana fifilogna na. Gnafa teuna, mae soldiare ne kafe pogho soru ke ulugna mae Jisas ne maꞌeni mana. Aonu mare ne cheke eghu ka mana, “Cheke fakeli nigho, iagho nodi king hatimare mae Jiu!”

Thakle 20:13

Glehe ghe namono Hades ne snakre haghedi naikno te gnafa teke lehe te au ke lamnadire, eghuteuna nhorora na jaola ne snakre haghedi naikno te gnafa te au ke lamnagna. Mana ne fatedi naikno igre leghuni unha teke edi teke mei mare ka nakarhadire.

Efesus 4:9

Te chekeni na, “Mana neke haghe kligna,” unha eghu gaoghathogna na? Gaoghathogna na mana neke kulu soru mei ka nauthoglu igne.

Letas Teke Riso Tei Mae Pol Ka Khiloau Rom 11:4

Eghuteuna nogna cheke tughu God na ne cheke eghu, “Iara au ngau fitu thogha mae malagu thegu, naugna mare theome pogho soru ke ulugna mumuju Bel.”

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Jenesis 41:43

Mana ne snakreni mae Josep mala saghe ka nogna fapea chariot mae king na. Mae gloku te tei ke ulugna mana re mare ne eha eghu ka mavitu te mei ke ulugna chariot na, “Igne tela mei nomi mae funei ghotilo na, fasnagla nabrou gne.” Ka puhi igne mae king ne vahini mae Josep ne kaisei mae funei biꞌo gna Ijep.

Nodi Khoje Hatimare Mae Jiu 95:6

Ghotilo mei, mala pogho soru nei tufru soru eghu tahati ka mana. Tahati mala tuturupuku soru ke ulugna Lord mae ihei teke vuavuha ghita.

Thakle 5:3

Nu jare na theo kaisei naikno te au kligna ba ka nauthoglu igne ba ka namonodi iheire tela lehehira nabagna te tothora te efra ke lamnagna pepa igne.