Filipae 1:8 - Buka Blahi Ka Cheke Holo

⁸ God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Filipae 1:8 ပူးပေါင်းရင်းမြစ်များ

Filipae 4:1

Eghume, kheraguro, iara magnahaghei ghami ghotilo jateula teke chekeni iara ka ghotilo ia eghu kegra heta ka nomi fatutuani na ka Lord. Iara thono namha ghami ghotilo nei magnahaghei te filo ghami ghotilo. Uve kheraguro, iara gleale'a fara nei thono fahaehaghe ghau fara eigna nakarhami ghotilo na. Naugna ghotilo jateula kaisei taba eghu ka gloku biꞌo te eni iara gne.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Fapea Timoti 1:4

Gognaro na iara magnahaghei fara te ari filo nigho mala ke keli gaoghathogu na, eigna iara neke ghatho fapuloni teke tanhi ghau iagho ia.

Ululahu Tesalonika 2:8

Naugna ka nomi namha biꞌo ranghi ghami ghotilo ia ghehati keli tami fara te falase ari ka ghotilo Nonomho te Keli eigna mae Jisas Kraes. Theome tuana kolho. Nu ghehati jaola keli tami mala lehe eimi ghotilo.

Letas Teke Riso Tei Mae Pol Ka Khiloau Rom 9:1

Iara cheke kate tutuani fara, naugna iara nogna naikno Kraes. Eghuteuna Tharunga te Blahi te au ke balugu iara na funei frunini gaoghathogu iara na. Mana na cheke faheta ka gaoghathogu iara na eidi cheke nate edi iara gre tutuani fara.

Filimon 1:12

Iara thofno namhani mae Onesimasi, nu gognaro na iara nake kuru fapuloni mana ka iagho.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Kolose 2:1

Iara magnahaghe ghami ghotilo te lase ghau iara te loku heta fara mala togho ghami ghotilo baludi naikno khiloau ka namono Leodisia nei keha naikno te theome filo ghau teu iara.

Galesia 4:19

Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Galesia 1:20

Iara cheke tutuani, eigna God laseni unha te riso ari iara ka ghotilo igre thofno tutuani fara.

Fapea Korin 7:15

Nogna namha mae Taetus gognaro na biꞌo fara ranghi ghami naugna mana ghatho fapuloni eigna ghotilo te tarabana mala leghuni mana na. Tutuani, ghotilo tajini nei ghatho tahuni eghu mana balu mhaghu.

Fapea Korin 6:12

Jame te mei kegra fanogra kaisei glepo ka noda namha na, glepo igne mei funu ka ghotilo. Naugna iara thofno laseni eigna ghehati theome gnafa te namha ghami ghotilo na!

Luku 1:78

Kau nogna kokhoni ghita noda God, kaisei nathunu rane majaghani funugna kligna ginauna na phae ke klignada tahati.

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Profet Isaia 16:11

Iara diꞌanagnafagu fara eidi naiknodi Kira-Hareset, baludi keha naiknodi Moab.

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Filimon 1:20

Ghema kheraguo, iara tore nigho mala togho ghau ka nanghagna Lord. Fameomegoni nagnafagu gne ka mae Kraes.

Ululahu Tesalonika 2:5

Ghotilo laseni igne, ghehati theome cheke famaemahe mala hata ghami ghotilo, ba saosagro mala hata sileni ka ghotilo. Theo. Ghehati theome poruni khiri na ka ghotilo, God laseni igne tutuani fara.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Filipae 2:26

Mae Epafrodaetus gne thono magnahaghei teke ari filo ghami ghotilo. Mana nanga nogna fara naugna ghotilo la nomhinihi mana teke fogra agnea.

Filipae 2:1

Gaoghathomi ghotilo na heta fara, naugna ghotilo kaisei ngala balugna mae Kraes, nei mana namha ghami ghotilo. Eghuteuna ghotilo kaisei balugna mae Tharunga te Blahi nei ghotilo namhadi nei kokhonidi eghu naiknore.

Fapea Korin 13:9

Ghehati gleale'a fara jame te kegra heta ghotilo ka puhi te doglo na, neuba ghehati ne jateula te nigra neu kolho. Eghume ghehati tarai mala tangomana ghotilo te thofno naikno keli fara ke ulugna God na.

Thoutonu Eigna Mae Job 16:19

Filo sagho, gognarona, God na lase ghauhi iara, eghuteuna mana ginauna na kaisei balugu iara kligna.

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.