Filipae 1:7 - Buka Blahi Ka Cheke Holo

⁷ Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Filipae 1:7 ပူးပေါင်းရင်းမြစ်များ

Fapea Korin 7:3

Iara theome chekeni igne mala cheke faparidi puhimi ghotilo re. Theo. Iara neke chekehi ka ghotilo, ghehati namha ghami ghotilo fara, eghuteuna neuba tahati ne karha fodu ba ne lehe fodu tahati ginauna kaisei fabrahu ngala.

Filipae 1:5

Naugna funu ka narane ulu lahu teke fatutuani ni ghotilo mae Jisas Kraes te posa ka narane gognaro gne, ghotilo ne togho ghau iara ka gloku te mala fateiteigna u Nonomho te Keli gne.

Fapea Timoti 2:9

Eghuteuna naugna te toutonuni iara u Nonomho te Keli igne, naiknore ne haru ghau iara ka chen jateula mare te haruni kaisei mae te huhughuni fara u vetula na ia eghu. Nu theome tangomana kaisei naikno ka nauthoglu gne te haruni chekegna God na ka chen.

Kolose 4:18

Iara mae Pol neke risoni kubae igne ka khamegu thegu. Ghatho ghau iara te au ka suga sosolo gne. Iara toreni nogna khokofakasai God na mala au balumi ghotilo. Me gnafa. Iara, mae Pol.

Filipae 4:14

Nu neubane eghu ngau, thotogho teke edi ghotilo ka iara kani teke au iara ka vido te ninhigrana ra thono keli fara.

Efesus 6:20

Naugna iara mae gloku mala toutonuni u Nonomho te Keli igne, neubane au ka suga sosolo iara gognaro gne. Ghotilo tarai ghau iara mala theome mhaghu iara kate toutonuni Nonomho te Keli ka puhi te naba te mala eni iara na.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Mae Khuru 20:23

Te laseni kolho iara na leuleghu namono na mae Tharunga te Blahi na kulu cheke ranghi ghau iara, mare ginauna na para ghau nei fasosolo ghau eghu iara.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Fapea Pita 1:13

Igne gaoghathogu iara na, karha nga teu iara ka nauthoglu gne, jame te keli na iara togho ghami ghotilo mala thosei ghatho ihodi ghotilo.

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Ululahu Tesalonika 5:5

Ghotilo hui nogna naikno naphae. Ghotilo nogna naikno narane. Tutuani tahati theome nogna bongi ba gromno.

Kolose 4:3

Jaola tarai ghami ghehati. Naugna te toutonuni iara chekegna mana igne, hatimare ne lilisei ghau iara ka suga sosolo. Toreni God mala snakreni ka ghehati vido te keli te mala toutonuni ghehati ka naiknore chekegna mae Kraes teke poru tifa igne.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Fapea Korin 3:2

Ghotilo themi ngala te mala jateula kaisei letas teu te mala toutonu eigna nakarhami themi ghehati na ke lamnami ghotilo. Letas tuana theome rioriso ka pepa nu rioriso ka nagnafami ghehatire! Eghuteuna naikno te gnafare tangomana te kafe iu'ijuni nei laseni eghu letas igne.

Ululahu Korin 13:7

Mana theome babaꞌo kate thakle mei puhi biꞌo na nu mana mala heta fabrahu ka nogna fatutuani nei mala rouronuni nogna nhaꞌa cheke God na nei sasaꞌa mala ofou kolho.

Ululahu Korin 9:23

Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Mae Khuru 21:33

Aonu mae funei biꞌodi mae armi re ne chekedi mae soldiare mala lokini mae Pol, eghuteuna haruni mana ka phei chen. Eghuteuna mana ne ghusna eghu ka naiknore, “Mae ihei si ignea? Unha teke eni mana na?”

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Filipae 1:12

Kheraguro, iara magnahaghei ghami ghotilo te lase fakelini unha te sosoloni iara gognaro gne mala toghoni te fateiteigna u Nonomho te Keli gne.

Filipae 1:13

Gognaro na nogna soldia mae King nei keha naikno langau teu igre mare kafe laseni puhi te sosoloni iara gne, naugna iara gne nogna naikno gloku mae Jisas Kraes.

Filipae 1:14

Kate lase ghau iara te au ka suga sosolo gognaro gne, kmana naikno ka khiloau gne mare la frane fara te toutonuni nogna u Nonomho te Keli mae Jisas Kraes.

Filipae 2:22

Nu ghotilo la filo glanihi mae Timoti, mana theome nafnata naikno igre. Mana togho fakeli ghau iara jateula kaisei mae sitei te toghoni mae kmagna na ia eghu. Ghepa loku fodu mala tangomana naiknore te kafe nomhini u Nonomho te Keli na.

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Filipae 4:15

Ghotilo naikno khiloau Filipae ra lasenihi igne ka teke funu toutonuni iara u Nonomho te Keli na jare ia, nei ke leghugna tuana kate jifla Provins Masidonia, theo kaisei khiloau jare teke togho ghau iara na. Nu ghotilo ngala teke ghatho ghau nei togho ghau teku iara ka sileni na.

Filimon 1:13

Iara ne magnahagheni mana te tughu nigho iagho mala au balugu agne mala togho ghau kate au ka suga sosolo gne malagna Nonomho te Keli.