Filipae 1:22 - Buka Blahi Ka Cheke Holo

²² Nu te karha brahu teu iara na, iara ginauna edi kmana gloku te keli. Eghume iara theome laseni aheva nate vahini iara na.

Filipae 1:22 ပူးပေါင်းရင်းမြစ်များ

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Filipae 1:24

Nu glepo te ulu tulao na, ghotilo magnahaghei ghau iara karha nga teu te mala togho ghami na.

Mae Khuru 3:17

“Uve, kheraguro, iara lase ghau ghotilo baludi mae biꞌomi ra neke eni igne ranghini mae Jisas ka puhi naꞌiho kolho.

Fapea Korin 10:3

Ghehati au ka nauthoglu igne, nu ghehati theome magnahaghei leghuni puhigna naikno te au ka nauthoglu gne ka nomi magra balugna mae Satan.

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Kolose 2:1

Iara magnahaghe ghami ghotilo te lase ghau iara te loku heta fara mala togho ghami ghotilo baludi naikno khiloau ka namono Leodisia nei keha naikno te theome filo ghau teu iara.

Letas Teke Riso Tei Mae Pol Ka Khiloau Rom 11:2

God theome tangomana te susukudi nogna naikno teke kulu vavahi mana tifa re. Ghotilo lasenihi thoutonu eigna mae Elija ka grioriso te blahi ia, eigna mana neke susukudi naiknodi Israel re neke cheke faheta eghu ka God,

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Jenesis 39:8

Nu mae Josep ne tirogna ne cheke eghu ka naꞌa, “Theo. Iara tirogu, naugna nogu mae funei iara gne mana neke vahi ghau iara mala reireghidi iara nogna gobigna lepo te gnafa ka suga na igre. Eghume mana theo kaisei ghatho peapea, kate loku teu iara igne na.

Jenesis 21:26

Nu mae Abimelek ne cheke eghu, “Iara theome laseni mae ihei teke eni igne. Naugna iagho neke theome chekeni igne ka iara tifeiro na. Gognaro gne ngala te nomhini iara cheke igne ka iagho na.”

Letas Teke Riso Tei Mae Pol Ka Khiloau Rom 1:13

Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.