Filimon 1:8 - Buka Blahi Ka Cheke Holo

^8-9 Gognaro na iara magnahaghei toreni ka iagho kaisei glepo te keli. Iara magnahagheni igne naugna glepo doglo te mala eni iagho na. Neuba iara ne au nolaghi te mala huhuru nigho ka nanghagna mae Kraes te mala eni igne, iara namha nigho nei tore nigho mala eni igne kolho. Uve, iara mae Pol, eghuteuna iara la mae khueku'ehi gognaro agne ka sosolo malagna mae Jisas Kraes.

Filimon 1:8 ပူးပေါင်းရင်းမြစ်များ

Fapea Korin 10:8

Tutuani fara, Lord neke tusu mei ka ghehati u nolaghi te mala mae khuru na. Nu mana neke tusu mei ka ghehati nolaghi igne mala farerheta ghami ghotilo, theome mala goigoni ghami ghotilo. Eghume iara theome mamaja te cheke fahaehagheni fara u nolaghi igne.

Fapea Korin 11:21

Iara gleale'a eigna te chekeni iara na, ghehati neke theome eni kaisei glepo te diꞌa jateula mare eghu ka ghotilo! Iara frane te mala cheke fahaehaghe ka unha te cheke fahaehagheni mae ihei na, neuba iara ne cheke jateula kaisei mae te fameomekro neu.

Fapea Korin 3:12

Eghume naugna ghehati thofno laseni nogna nolaghi biꞌo God te au fabrahu, ghehati theome tangomana te mhaghu kate loku ranghini Lord na.

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Ululahu Tesalonika 2:6

Ghehati theome hironi nafnakno na ka ghotilo, ba ka ihei. Ghehati nogna khuru mae Kraes. Naugna igne, kate au balumi ghotilo na, ghehati tangomana te tore glepo ka ghotilo. Nu ghehati faꞌamama ka ghotilo jateula kaisei gaꞌase te taegodi goro thugna.