Filimon 1:19 - Buka Blahi Ka Cheke Holo

¹⁹ Iara mae Pol te rioriso soru cheke igre ka khamegu thegu. Iara ginauna nake tughudi nogna kaoni mana re. Nu iagho jame theome ghatho ihodila teke kaoni nakarhamu themu na ka iara ia.

Filimon 1:19 ပူးပေါင်းရင်းမြစ်များ

Galesia 6:11

Ghotilo filodi letas biꞌo te riso ari iara ka khamegu thegu igre!

Galesia 5:2

Fanomho ka iara. Jame kaisei mae cheke eghu, “Te leghuni iara u puhi te mala vahe na, iara ginauna doglo ke ulugna God.” Mae Kraes ginauna theome toghoni mae tuana.

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Fapea Korin 3:2

Ghotilo themi ngala te mala jateula kaisei letas teu te mala toutonu eigna nakarhami themi ghehati na ke lamnami ghotilo. Letas tuana theome rioriso ka pepa nu rioriso ka nagnafami ghehatire! Eghuteuna naikno te gnafare tangomana te kafe iu'ijuni nei laseni eghu letas igne.

Jenesis 43:9

Te chekeni iara ka iagho na, iara thegu ngala nate reireghini mana na. Jame te theome hata fapuloni iara mae Benjamin gne ka iagho na, iara eni hila kaisei najafra biꞌo ranghi nigho iagho, eghuteuna najafra igne ginauna na au fabrahu ka iara tifa e tifa.

Letas Teke Riso Tei Mae Pol Ka Khiloau Rom 16:22

Iara mae Tetia te riso soru ranghini mae Pol letas igne, iara kubae ghami ghotilo ka nanghagna Jisas Kraes.

Fapea Korin 9:4

Jame keha naiknodi Masidonia ari balugu iara thogheiro, eghuteuna filo deni te theome tarabana kolho ghotilo teuna, ghehati ginauna mamaja nomi fara naugna ghehati neke rouronu ghami ghotilo fara. Eghuteuna ghotilo ginauna jaola mamaja nomi fara!

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Filimon 1:18

Te eni mae Onesimasi kaisei najafra ba te kaoni mana ka iagho na, cheke mei ka iara mala ke tughu fapulo.