Fatilo Jone 1:2 - Buka Blahi Ka Cheke Holo

² Uve thabusigna, iara laseni nakarhamu iagho ka khiloau na keli fabrahu. Iara tarai eimu iagho mala karha keli eghu mala theome thokei nigho kaisei fogra.

Fatilo Jone 1:2 ပူးပေါင်းရင်းမြစ်များ

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Filipae 2:4

Thosei khogla ghathoni kolho unha te magnahagheni themu na, nu te keli na, kulu ghathoni ghu unha te magnahagheni mae kheramu fofodu na.

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Filipae 2:27

Mana neke thono fogra fara neke namo lehehi. Nu God neke kokhonini, neke fakarhini mana. God jaola ngau neke kokhoni ghau iara, naugna jame te lehe mana na iara jaola neke lehe ka diꞌanagnafa.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Matiu 9:12

Mae Jisas nomhidi nodi cheke mae Farasi igne ne cheke eghu ka mare, “Ghotilo laseni igne, naikno te kelire tirodi tei filoni mae dokta. Nu naikno te fogra re ngala te magnahaghei tei filoni mae dokta na.

Fatilo Jone 1:1

Iara mae mala baubatu ka khiloau. Ranghi nigho thabusigna Gaeasi. Iara thofno namha nigho.