Fatilo Jone 1:10 - Buka Blahi Ka Cheke Holo

¹⁰ Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.

Fatilo Jone 1:10 ပူးပေါင်းရင်းမြစ်များ

Proveb 10:10

Naikno te kaflo gehe na tangomana te edi kmana puhi te diꞌa. Eghuteuna naikno te fameomekro na, ginauna goigoni nakarha gna na.

Proveb 10:8

Naikno te autagna gaoghatho te keli na fanomho ka cheke na. Nu naikno te cheke fameomekro na, ginauna goigoni nakarha gna na.

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Luku 6:22

Ghotilo te susuku ghami, lalama ghami, cheke fapari ghami ba cheke fadiꞌadi nanghamire teu keha naikno ra naugna ghotilo nogu iara, mae teke mei funu ka God gne, ghotilo tangomana te gleale'a na.

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Fapea Korin 13:2

Ka fapea fata teke ari posa iara ka ghotilo ia, iara neke cheke faheta farahi ka naikno teke tapla jafra ka nakhibora. Eghuteuna gognaro na iara theome au balumi ghotilo, nu iara cheke ka naikno tuare baludi keha naikno ke lamnami ghotilo te tapla jafra ka nakhibo gognaro gre. Kate ari iara ginau ka ghotilo na, iara ginauna kafe fatedi gnafa naikno tuare.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Fapea Jone 1:10

Jame kaisei mae mei ka ghotilo, nu mana theome hata mei nogna farirhiu mae Kraes igne teuna, thosei hata meini ka nomi sugare ba toutonu balugna mana.

Fapea Jone 1:12

Uve, kmana glepo fara iara te magnahaghei chekedi ka ghotilo re, nu iara theome magnahaghei te rioriso soru ka letas igne. Iara ghaoghatho mala ari sigho ghami thogheiro, eghuteuna iara ginauna tangomana te ari toutonudi ka ghotilo puhi te chekedi iara igre. Kate eni igne, tahati ginauna na gleale'a fodu.

Fatilo Jone 1:3

Kate mei toutonu keha mae gloku ka khiloau gne eigna nakarhamu iagho na, iara ne gleale'a fara. Naugna te chekeni mare na, iagho thofno leghuni Nonomho te Keli eigna mae Jisas Kraes.

Fatilo Jone 1:5

Uve thabusigna, thofno keli fara te toghodi iagho mae gloku ka khiloau te posa mei ka sugamu na neubane theome lasedi iagho kehare.