Fapea Timoti 4:8 - Buka Blahi Ka Cheke Holo

⁸ Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Fapea Timoti 4:8 ပူးပေါင်းရင်းမြစ်များ

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Ululahu Pita 1:4

Gognaro na tahati rouronu fara eigna u thofno karha te ofo ghita teu kligna te theome tangomana te boto ba te diꞌa.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Ululahu Korin 9:25

Tutuani, iheire fateo te magnahaghei chari ka fangenghele na, mare mala reireghi fakelidi koba thinidire mala nheta. Mare eni igne mala hata kaisei khepi nafnakno te theome au raugha kolho. Nu khepi nafnakno nate hata tahati na u khepi nafnakno gna kligna nate tusu ranghi ghita God na te au fabrahu tifa tifa.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Fapea Timoti 2:5

Jame kaisei mae magnahaghei ulu ka kaisei fangenghele, mana ginauna theome tangomana te hata taba jame te theome leghu fakelini mana u vetula gna fangenghele na.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Ululahu Timoti 6:19

Ka puhi igne mare ginauna na salofodu maladi thedi dedei te heta fara malagna nathuꞌu nauriha. Eghuteuna mare ginauna tangomana te thokeni nakarha te thofno tutuani igne.

Ululahu Korin 2:9

Nu grioriso te blahi na cheke eghu, “Unha God teke kulu tarabana maladi naikno te namhani mana re, theo kaisei naikno te filoni ba nomhini na. Theo kaisei naikno teke ghathoni unha nate thoke mei ginauna.”

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Fapea Timoti 1:18

Iagho laseni fara igne, kmana glepo te togho ghau iara mae Onesifora ka namono Efesus. Iara toreni Lord mala khokonini mana ka narane leghu lahu na.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Matiu 24:36

“Tuani fara, theo kaisei naikno te raꞌe laseni narane mala ke pulo meigu iara na. Iara nei mae engel kligna re theome laseni la. Kaisei mae Mama thegna ngala te laseni na.

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Proveb 4:9

Ginauna na jateula famane sisi te babaꞌo ka graramu na ia eghu, eghuteuna iagho ginauna fnakno nanghamu na.”

Nodi Khoje Hatimare Mae Jiu 7:11

God na fatedi koba naiknore ka puhi te doglo. Nu iheire te edi puhi te diꞌare mana thofno paradi fara.

Ululahu Tesalonika 5:4

Nu kheraguro, ghotilo theome au kate romno. Eghume narane tuana ginauna theome farhani ghami ghotilo jateula kaisei mae te mei ka suga na te mala blau.

Fapea Korin 5:2

Gognaro na tahati thono hongo ghitani fara thinida igre. Tahati magnahagheni fara te au ka thini majaghani gna kligna.

Luku 10:12

Te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Ululahu Korin 3:13

Eghuteuna ka narane leghu lahu nate mei fate Kraes na nodi gloku naikno te gnafare ginauna na kakhana unha te keli ba unha te diꞌa. Naugna kau narane tuana nogna khaꞌaghi God na ginauna fariuriudi nodi gloku naikno te gnafare mala laseni te keli ba te diꞌa na.

Filipae 3:11

Eghuteuna leghu lahu na iara magnahaghei te karha fapulo ka glehe jateula mana eghu.

Fapea Tesalonika 2:8

Ke leghugna igne, mae mala huhughuni vetula na ginau thakle mei. Noda Lord Jisas ginauna faleheni mae tuana ka phaphanga te jifla mei ka foflogna. Uve, ka narane pulo meigna mae Jisas na, nogna nolaghi biꞌo mae Jisas na ginauna siasigla mei mala roꞌeni mae tuana.

Fapea Timoti 1:10

Nu nogna namha mana igne neke theome thakle ka tahati ghilei mei noda mae Fakarhai Jisas Kraes. Mae Jisas neke roꞌenihi nogna nolaghi glehe na, eghuteuna ka Nonomho te Keli igne, mana neke falalase ranghi ghita u nabrou te mala hatini tahati u karha te theo ka huigna na.

Hibru 12:11

Ka narane te para ghita God na, tahati theome gleale'a nu tahati kabru gheda fara. Eghuteuna, ke leghugna igne, kate gnafa farirhiu ghita God ka puhi igne na, tahati ginauna na au ka pharikeli nei au doglo ke ulugna mana eghu.