Fapea Timoti 4:5 - Buka Blahi Ka Cheke Holo

⁵ Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Fapea Timoti 4:5 ပူးပေါင်းရင်းမြစ်များ

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Fapea Timoti 2:3

Eghuteuna iagho tarabana mala au papara balugu iara jateula kaisei nogna soldia keli mae Jisas Kraes.

Kolose 4:17

Eghuteuna ghotilo cheke ka mae Akipas mala eni fahui nogna gloku blahi teke tusu ranghini Lord na.

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Mae Khuru 21:8

Ghehati jifla jare neke tei ka namono biꞌo Sisaria. Jare ghehati ne tei ka sugagna mae Filip ne au balugna mana. Mae Filip gne kaisei mae ka hatimare fitu mae thotogho teke vavahi mare tifa Jerusalem. Mae Filip gne nogna gloku na mala toutonuni u Nonomho te Keli na.

Ululahu Timoti 4:15

Edi fabrahu glepo igre. Eghuteuna naikno te gnafare tangomana te filoni nakarhamu iagho ka Kraes na bruara fara.

Ululahu Tesalonika 5:6

Eghume tahati thosei jateula keha naikno te thuru te theome lasedi glepo igre, nu tahati dofra nei reireghi fakeli ghita theda.

Thakle 3:2

Eghume, ghotilo ghaoghatho fakeli eghu mala funu leghu ghau iara fabrahu! Naugna iara lasedihi nomi gloku ghotilo re theome doglo ka tathagna nogu God iara na.

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Nonomho Te Keli Teke Risoi Mae Mak 13:37

Eghume unha te chekeni iara ka ghotilo gognaro gne iara na chekeni la ka naikno te gnafare. Fiofilo fakeli ghotilo ia!”

Kolose 1:25

God neke vahi ghau iara kaisei mae gloku ka khiloau gne mala togho ghami ghotilo. Eghuteuna nogu gloku iara na mala thofno toutonuni chekegna mana na.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Nonomho Te Keli Teke Risoi Mae Mak 13:34

Ginauna na jateula kaisei mae funei tarabana te mala tei ka keha namono delei ia eghu. Ame tei kokoni nga nogna suga na teuna, mana ne lisa lao gobigna lepore ka khamedi nogna mae glokure mala reireghi mare. Mana ne tufa soasopagna gloku ranghidi mare. Kaisei mae mala reireghi grengatha mala fiofilo fakeli.

Profet Esikiel 33:2

“Maegna ka nauthoglu. Iagho tei cheke eghu ka kheramu ra, ‘Leuleghu fata na iara snakreni magra na mala tei posa ka kaisei kantri, mare vahini kaisei mae mala nodi mae greireghi mare.

Profet Esikiel 3:17

“Maegna ka nauthoglu. Iara vahi nighohi te mala kaisei mae greireghi na mala fiofilodi naiknodi Israel. Iagho ginauna fanomho fakeli ka nogu cheke nei cheke faheta ka naiknore, eghu te chekedi iara ka iagho ra.

Profet Jeremaea 6:17

Iara neke lilisei mae greireghi mala togho ghami ghotilo, neke cheke eghu ka ghotilo, ‘Ghotilo fanomho fakeli kate kufli mae greireghi igre.’ Nu ghotilo neke cheke eghu, ‘Ghehati theome tangomana te fanomho ka nodi cheke mae greireghi igre na.’ ”

Profet Isaia 62:6

“Iara liliseihi mae mala toetoe ke kligna bara thina biꞌo ka namono Jerusalem. Mare theome au kmu bongi narane na. Uve, mare mala cheke ka Lord mala thosei ghatho ihoni mana nogna nhaꞌa cheke na.

Profet Esikiel 33:7

“Maegna ka nauthoglu. Iara vahi nigho iagho mala reireghidi naiknodi Israel. Iagho ginauna fanomho fakeli ka nogu cheke iara igne, iagho kulu tei cheke faheta ka naiknore.

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.