Fapea Timoti 4:18 - Buka Blahi Ka Cheke Holo

¹⁸ Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Fapea Timoti 4:18 ပူးပေါင်းရင်းမြစ်များ

Nodi Khoje Hatimare Mae Jiu 121:7

Lord ginauna reireghi ghita ka thua hoholo fateote'o. Uve, mana na reireghidi nakarhadare.

Fapea Tesalonika 3:3

Nu te keli na, ghotilo tangomana fatutuani ni Lord, naugna mana ginauna farheta ghami nei bara ghami ka nogna nolaghi mae Satan.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Letas Teke Riso Tei Mae Pol Ka Khiloau Rom 11:36

Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Nodi Khoje Hatimare Mae Jiu 92:10

Iagho tusu mei nanheta biꞌo ka iara, jateula nogna nanheta lion eghu. Iagho neke vahi ghau iara mala thumu neku.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Matiu 13:43

Aonu naikno te kelire ginauna siasigla jateula naprai eghu kate au mare ke lamnagna nogna nauthoglu majaghani Kmadi God. Uve, ghotilo naikno te fanomho ka iara igre, hiro fakeli gaoghathodi cheke igre.”

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Jone 17:15

Iara theome tore nigho iagho mala atha fajifladi kau nauthoglu igne. Nu iara tore nigho iagho mala reireghi fakelidi mare kau nogna nolaghi mae Satan.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Ululahu Korin 10:13

Gobigna lepo te mei fariuriu ghami ghotilo igre, nafnata glepo thoke dila naikno te gnafare. Nu God ginauna theome ghatho ihoni nogna nhaꞌa cheke te mala togho ghami na. Tutuani, mana ginauna theome snakreni kaisei fariuriu mala funei frunini nomi nolaghi ghotilo na. Naugna kate thoke mei ka ghotilo fariuriu na, God ginauna togho ghami ghotilo mala tangomana ghotilo te kegra heta na. Aonu, God ginauna jaola tusu ranghi ghami kaisei nabrou te mala gnafagna u fariuriu tuana.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Ululahu Pita 5:11

Tahati kilo fnaknoni mana eigna nogna nolaghi biꞌo te au fabrahu tifa te tifa. Amen.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Galesia 1:5

Tahati kilo fnaknoni God tifa tifa. Amen.

Letas Teke Riso Tei Mae Pol Ka Khiloau Rom 16:27

Ka nanghagna mae Jisas Kraes, tahati cheke fakelini tifa tifa kaisei God mae ihei ngala te lalase fara. Amen.

Luku 22:29

Eghume iara gognarona tusu ari nolaghi ka ghotilo mala funei frunidi naikno gre balugu iara, jateula mae Mama teke tusu mei nolaghi igne ka iara.

Luku 11:4

Hata fadeleidi tami nakhibomi gre, eigna ghehati mala jaola hata fadelei nakhibodi iheire te fadiꞌa ranghi ghami. Thosei snakreni kaisei glepo mala mei fariuriu ghami.’ ”

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Ululahu Samuel 17:37

Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Ululahu Korin 15:50

Kheraguro, iara magnahaghei te chekeni ka ghotilo igne, thinigna naikno na theome tangomana te tei thoke kligna na. Uve, thini na theome tangomana te au raugha na naugna glepo mala boto kolho. Eghuteuna glepo te mala boto na theome tangomana te au fodu balugna glepo te theome boto kligna na.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.