Fapea Timoti 3:5 - Buka Blahi Ka Cheke Holo

⁵ Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Fapea Timoti 3:5 ပူးပေါင်းရင်းမြစ်များ

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Taetus 3:10

Nu mae iheinga ne faꞌeiꞌei magra, ba te fafoafota na, thosei snakreni mala eni fabrahu mana u puhi tuana eghu. Te phei fata cheke nga iagho ka mana te tirogna fanomho mana ka nou cheke iagho re, koko fakosini kau khiloau eghu.

Fapea Timoti 2:16

Iagho figri lao thagrumu na ka nafnata cheke te diꞌa te theo nafudi tuare, naugna naikno te edi nafnata cheke tuare khogla eꞌei puhi kolho ranghidi keha naiknore mala tei kokoni God.

Fapea Timoti 2:23

Nu iagho thosei cheke ba fanomho ka cheke te theo gaoghathodi are. Iagho lasedihi glepo igre khogla faꞌeiꞌeidi naiknore mala magra eghu kolho.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.