Fapea Timoti 3:14 - Buka Blahi Ka Cheke Holo

¹⁴ Nu iagho leghudi fabrahu farirhiu teke lasedi nei fatutuanidi teu iagho ra, naugna iagho lasedi puhimi ghehati mae iheire teke farirhiu nigho iagho ra.

Fapea Timoti 3:14 ပူးပေါင်းရင်းမြစ်များ

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Fapea Timoti 1:13

Leghu fakelidi cheke teke nomhidi iagho ka iara ra. Cheke igre jateula thotoghale eghu mala laseni iagho nabrou te keli te mala farirhiudi naiknore. Eghuteuna iagho edi igre balu fatutuani ni mae Jisas Kraes nei namhadi keha naiknore eghu eigna tahati nogna naikno mana.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 6:11

Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Ululahu Timoti 4:16

Iagho reireghi fakelini nakarhamu themu na baludi farirhiu te edi iagho ra mala doglo fabrahu. Jame te eni iagho igne na, iagho ginauna fakarhi nigho themu baludi naikno te nomhi nigho are.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Letas Teke Riso Tei Mae Pol Ka Khiloau Rom 14:5

Gaoghathodi keha naiknore kaisei narane na uludi fara keha narane re eghu, eghuteuna gaoghathodi keha naiknore narane te gnafare kaisei nanaba ngala eghu. Soasopai naikno na mala ghaoghatho fakelini igne ka nagnafagna na.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Taetus 1:9

Glepo leghu lahu na, mana mala thofno fatutuani fara nei loku famaku eghu kau Nonomho te Keli eigna mae Jisas Kraes te farirhiuni tahati gne. Te eghu na, mana na tangomana te farirhiudi naikno khiloau re eigna u thofno farirhiu te tutuani igne. Eghume naikno khiloau re na au nodi gaoghatho nheta te mala leghuni u farirhiu te tutuani na. Mana jaola mala fatakledi unha glepo te jafra re ranghidi naikno te tirodi leghuni u farirhiu tutuani na.