Fapea Timoti 2:7 - Buka Blahi Ka Cheke Holo

⁷ Hironi sagho gaoghathodi cheke te edi iara igre. Lord ginauna togho nigho mala lasedi glepo igre.

Fapea Timoti 2:7 ပူးပေါင်းရင်းမြစ်များ

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Luku 24:45

Mae Jisas ne tothora gaoghathodi mare re. Aonu mare ne tangomana te laseni grioriso te blahi na.

Jone 14:26

Nu mae Tharunga te Blahi te mala togho ghami ghotilo na, mae Mama ginauna kuru meini mana ka nanghagu iara. Kau narane te mei mana na, mana ginauna farirhiu ghami ghotilo gobigna lepore, eghuteuna mana ginauna eni igne mala ke ghatho fapulodi ghotilo gobigna lepo teke chekedi iara ka ghotilo ra.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Ululahu Timoti 4:15

Edi fabrahu glepo igre. Eghuteuna naikno te gnafare tangomana te filoni nakarhamu iagho ka Kraes na bruara fara.

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Jone 16:13

Nu kate mei mae Tharunga te Blahi na, mana ginauna batu ghami ghotilo ka tutuani fateoteo eigna God. Mana ginauna theome cheke leghudi nogna gaoghatho thegna re. Mana ginauna chekedi kolho ka ghotilo unha teke nomhini mana na nei toutonuni ka ghotilo eigna unha nate thoke mei nathuꞌu nauriha.

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Hibru 12:3

Ghathoni mae Jisas. Mana au nheta ne snakreni thegna ka khamedi naikno te fodu ka nakhibore mala parani. Jateula tuana eghu ghotilo thosei nigra, nei thosei blogho ka nomi fatutuani na.

Hibru 7:4

Te filoni tahati na mae Melkisedek gne kaisei mae biꞌo fara! Naugna mae kuꞌeda Ebraham na neke tufa ka mana fabothodi glepo te hata mana kau magra na.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Filipae 4:8

Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Isaia 28:26

Mae igne laseni fara puhi te mala edi gloku igre, naugna God neke farirhiuni mana.

Proveb 24:32

Iara filoni ne ghaoghatho eigna nagare igre, eghuteuna iara ne atha nogu gaoghatho te keli tagna:

Nodi Khoje Hatimare Mae Jiu 119:125

Tusu mei glalase ka iara nou mae gloku gne, mala lase fakelidi iara nou farirhiure.

Profet Isaia 5:12

Kate ei gaghamu na, leuleghu fata na ghotilo lalahu gita nei dram ikoi, eghuteuna ghotilo ifu babuban balu koꞌu beer mala gleale'a nomi, eghuteuna ghotilo theome tangomana te ghathodi unha teke edi Lord ka ghotilo ra.

Nodi Khoje Hatimare Mae Jiu 119:144

Nou farirhiu iagho re doglo fabrahu tifa tifa. Tusu mei glalase ka iara sagho mala karha iara.

Nodi Khoje Hatimare Mae Jiu 119:73

Lord God, iagho neke vuavuha ghau iara neke reireghi fakelini nakarhagu iara na. Togho ghau iara sagho mala laseni iara nou cheke iagho na.

Nodi Khoje Hatimare Mae Jiu 64:9

Naikno te gnafare ginauna mhaghu nodi fara ka God. Eghuteuna mare ginauna na ghathoni unha te eni God igne na toutonu eidi nogna gloku mana re.

Ululahu Kronikols 29:19

Tusu lao famane gaoghatho te keli sagho ka thugu iara Solomon, mala thofno leghudi nei faꞌuvedi eghu mana nou cheke iagho re. Toghoni mana sagho mala horo mana Sugablahi igne naugna iara neke kulu tarabana neku glepo te mala loku fahuigna na.”

Ululahu Kronikols 22:12

Iara magnahagheini Lord te tusu ranghi nigho gaoghatho te keli nei glalase, mala tangomana iagho te lasedi gobigna lepo te mala funei fruni Israel. Ka puhi igre, iagho ginauna tangomana te leghudi nogna vetula Lord noda God.

Diutronomi 32:29

Jame kaisei ka ghotilo te lalase na, mana tangomana jame te ghathodi gobigna lepo tela thoke meihi igre, eghuteuna mana jame jaola lasedi unha nate thoke mei ginauna igre.

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Jemes 3:15

Goghotu nei fahaehaghe teu igre theome gaoghatho mei funudi ka God. Theo! Nafnata gaoghatho te diꞌa tuare nogna naikno kolho, mei funudi ka mae Satan.

Luku 9:44

“Fanomho fakeli ka unha nate chekedi iara ka ghotilo gognaro gre! Iara mae teke mei funu ka God gne, mare ginauna na snakre lao ghau iara ka khamedi naiknore.”

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Fapea Timoti 2:6

Jaola, mae ihei te loku heta ka nogna nagare na, mana ginauna kulu hata ghegna gano ka teke joꞌu thegna re.

Fapea Timoti 2:8

Thosei ghatho ihoni mae Jisas Kraes teke karha mei ka vikegna King Devet, eghuteuna mana teke karha fapulo ka glehe. Igne u Nonomho te Keli te toutonuni iara na.