Fapea Timoti 2:5 - Buka Blahi Ka Cheke Holo

⁵ Jame kaisei mae magnahaghei ulu ka kaisei fangenghele, mana ginauna theome tangomana te hata taba jame te theome leghu fakelini mana u vetula gna fangenghele na.

Fapea Timoti 2:5 ပူးပေါင်းရင်းမြစ်များ

Thakle 3:11

Iara ginauna theome raugha nake pulo mei ka ghotilo. Eghume, ghotilo mala loku faheta ka puhi te keli tela auhi ka ghotilo are, na eghunu mei keha naiknore me fanogra ghami te mala hatagna taba nate tusu ari iara tami na.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Hibru 12:4

Kmana naikno te diꞌa fara neke magra ghami ghotilo, nu theo kaisei ka ghotilo te lehe ka puhi igne.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Hibru 2:7

Iagho tifa na neke nhaꞌa fasoruni mana katha vido ikoi ke paridi engel re. Nu gognaro na iagho lilisei ke kligna gna mana u nafnakno nei siasigla.

Filipae 1:15

Uve, keha naiknore toutonuni eigna mae Jisas Kraes, nu mare eni igne ka puhi goghotu kolho. Mare toutonu eigna mae Kraes nu mare theome au kaisei gaoghatho te doglo ka nagnafadire. Mare magnahaghedi thedi kolho te fnakno na, eghume mare magnahaghei te edi glepo te diꞌa igre ranghi ghau iara kate au iara ka suga sosolo gne. Nu neubane eghu ngau, keha naiknore toutonu eigna mae Kraes naugna mare au gaoghatho te doglo ka nodi gloku na. Eghume mare namha ghau iara, naugna mare lase ghau iara gne kaisei mae mala cheke thakleni u Nonomho te Keli eigna mae Kraes.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.