Fapea Timoti 2:25 - Buka Blahi Ka Cheke Holo

²⁵ Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Fapea Timoti 2:25 ပူးပေါင်းရင်းမြစ်များ

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Ululahu Timoti 2:4

God magnahaghedi naikno te gnafare mala athini karha fei tifa na nei mala laseni u Nonomho te Keli te tutuani na.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Mae Khuru 8:22

Eghume, kulu tughu nagnafa ghu sagho! Koko puhi diꞌa te edi iagho are. Eghuteuna tarai ka Lord. Mana jame tangomana te hata fadelei gaoghatho te diꞌa tuana ka iagho.

Fapea Timoti 3:7

Nafnata gaꞌase igre fariuriudi koba mala leghudi farirhiu majaghani igre, nu rehati theome tangomana te hatini kaisei glalase te keli eigna thofno cheke te tutuani na.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Taetus 1:1

Ranghi nigho iagho ghema Taetus. Uve ghema, iara mae Pol nogna mae gloku God nei nogna mae khuru mae Jisas Kraes. Mae Jisas Kraes neke vahi ghau iara mala toghodi nei famane farirhiudi eghu naikno teke vavahi God re mala kotu biꞌo eghu nodi fatutuani na. Nu u gloku te eni iara igne farirhiudi naiknore u thofno farirhiu tutuani eigna God. Eghume, u farirhiu tutuani te eni iara igne toghodi fara naiknore mala leghudi mare u nafnata nakarha te magnahagheni God na.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Jone 5:34

Iara theome lelheghu ka naiknogna nauthoglu gne te mala chekedi unha te edi iara re tutuani fara teuna. Nu iara chekeni ka ghotilo igne mala fatutuani ghotilo mala athani u karha fei tifa na.

Nonomho Te Keli Teke Risoi Mae Mak 1:15

Mana ne cheke eghu, “Thofno narane teke vahini God na la thokei meihi gognarona, eghuteuna narane God nate funei frunidi nogna naiknore la namo meihi. Eghume lilisei puhi te diꞌare nei fatutuani ni ngala Nonomho te Keli gne!”

Profet Esikiel 36:31

Ka narane tuana, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna theome magnahaghedi puhimi te diꞌa teke edi ghotilo tura.

Taetus 3:2

Farirhiudi mala thosei cheke faparini ihei, nu te keli na au fodu kau pharikeli nei au faleghu, nei famane taegodi keha naiknore eghu.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Mae Khuru 5:21

Kate nomhini igne, mare ne leghuni cheke igne ne tei ka Sugablahi na. Hamerane boibongi mare ne funu toutonu ranghidi naiknore. Mae pris biꞌo na nei nogna tothoghei na theome laseni te jifla mae khurure. Aonu mare ne kilo fodudi goro mae biꞌodi Israel re mala eni kaisei faidu biꞌo ka hatimare mae mala fate. Mare jaola ne chekedi keha mae pulis mala tei hata meidi hatimare mae khuru ke uludi mae mala fate.

Profet Esikiel 11:19

Iara ginauna nake tuthughu nakarhadi mare re mala ke naikno keli, eghuteuna tusu lao gaoghatho majaghani ka mare, mala tarai ka iara kolho. Eghuteuna iara ginauna hata koko gaoghatho te diꞌa fateote'o te patugama fara mare gre, eghuteuna tusu lao famane gaoghatho te keli ka mare, mala tangomana mare teke leghu ghau iara na.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Matiu 21:32

Naugna mae Jone Apublahi neke mei falalasehi ka ghotilo nabrou te doglo te mala leghuni ghotilo na. Eghuteuna ghotilo theome fatutuani ni chekegna mana na. Nu hatimare mae te salo takis nei goro gaꞌase vine teu igre neke fatutuani ni mana. Ghotilo neke filonihi igne. Nu ghotilo heta ghemi ne tiromi tughu nagnafa nei fatutuanidi eghu chekegna mana re.”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Esikiel 36:26

Iara ginauna tuthughu nakarhami ghotilo te thona are mala ke majaghani fapulo. Eghuteuna iara ginauna tusu ari gaoghatho majaghani ka ghotilo, mala tarai kolho ghotilo ka iara. Iara ginauna hata fadelei gaoghatho te diꞌare te batu ghami te patu gama ghotilo are, eghuteuna iara ginauna tusu ari gaoghatho te keli ka ghotilo mala tangomana ghotilo te leghu ghau iara na.

Profet Esikiel 12:3

“Eghume, maegna ka nauthoglu, iagho mala kaikaliti nou gloi na, jateula mae ihei te jifla teke huhurudi teke tei au ka keha kantri delei ra eghu. Ame romno nga teuna, iagho hata nou gloi na jifla kosi aheva naiknore tangomana te filoni te tei iagho na. Neuba naikno igre te theome magnahaghei ghau iara na, mare jame laseni unha te eni iagho na.