Fapea Timoti 2:23 - Buka Blahi Ka Cheke Holo

²³ Nu iagho thosei cheke ba fanomho ka cheke te theo gaoghathodi are. Iagho lasedihi glepo igre khogla faꞌeiꞌeidi naiknore mala magra eghu kolho.

Fapea Timoti 2:23 ပူးပေါင်းရင်းမြစ်များ

Fapea Timoti 2:14

Chekedi koba glepo igre. Iagho cheke faheta tadi ke ulugna God mala thosei magradi cheke te theo nafudi kolho igre. Nafnata puhi te magradi cheke igre thono diꞌa fara, naugna fadidiꞌa kolho nakarhadi naikno te fanomho ka magra tuare.

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.

Fapea Timoti 2:16

Iagho figri lao thagrumu na ka nafnata cheke te diꞌa te theo nafudi tuare, naugna naikno te edi nafnata cheke tuare khogla eꞌei puhi kolho ranghidi keha naiknore mala tei kokoni God.

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Timoti 1:4

Iagho jaola chekedi mae te farirhiu chaichaghi tuare mala thosei toutonudi mare nafnata susurei te theome tutuani nei thura nangha te brahu, nanghadi hatimare mae biꞌodi tifa ra. Glepo igre mala faꞌeiꞌei magra kolho ka naiknore, eghuteuna naiknore ginauna theome eni unha teke ghathoni God te mala eni mare teku na. Naugna kaisei puhi fatutuani ngala te tangomana te mala togho ghita te mala leghuni tahati gaoghathogna God na.

Jemes 4:1

Kheraguro, naugna unha site magra koba ghotilo fari themi gnea? Ghotilo magra koba fari themi naugna nafnata gaoghatho te magnahaghei glepo malami themi kolho igne site biꞌo ka nagnafami ghotilo grea.