Fapea Timoti 2:19 - Buka Blahi Ka Cheke Holo

¹⁹ Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Fapea Timoti 2:19 ပူးပေါင်းရင်းမြစ်များ

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Ululahu Korin 8:3

Nu ihei te namhani God na, God laseni mana.

Profet Nahum 1:7

Lord na thofno keli fara. Mana tangomana te reireghi fakelidi nogna naiknore ka narane te thoke mei puhi biꞌo ka mare na. Mana nodi vido keli mala poru iheire te fatutuani ni mana re.

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Luku 13:27

“Nu mana ginauna nake cheke eghu, ‘Iara theome lase ghami ghotilo ba aheva teke mei ghotilo na. Tei nomi delei! Naugna puhimi ghotilo re diꞌa fara!’ ”

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Thakle 3:8

Iara lase ghamihi ghotilo te theome kmana ghotilo ka khiloau. Neuba ngau ghotilo ne leghuni fabrahu nogu farirhiu iara na, ghotilo theome mamaja te chekeni te nogu iara na. Eghume, iara la tothorahi kaisei grengatha malami ghotilo te mala ruma haghe ka nogna nauthoglu majaghani God na mala au fabrahu jare. Eghuteuna grengatha igne ginauna theome tangomana kaisei naikno te bobotho na.

Thakle 22:4

Mare ginauna filoni God fabrahu, eghuteuna rioriso nanghagna mana na ka greredire.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Efesus 3:15

Eigna mae fatutuani te gnafa te au nga teu ka nauthoglu gne, ba iheire te au teu kligna gognaro gne mana kilodi goro thugna.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Nodi Khoje Hatimare Mae Jiu 37:18

Lord na reireghi fakelini naikno te leghudi nogna cheke na, eghuteuna nogna vido glose teke tusu ranghini mana Lord na ginauna nogna mana fabrahu.

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Letas Teke Riso Tei Mae Pol Ka Khiloau Rom 15:20

Iara magnahagheni fara te toutonuni fabrahu u Nonomho te Keli igne ka namono aheva naiknore te theome nomhi nga teu Kraes. Iara magnahaghei eni igne naugna iara theome magnahaghei te loku ranghini God ka namono aheva tela kulu lokuhi keha mae jare ka khiloau.

Mae Khuru 15:17

Iara ginauna na eni igne mala mei te hiro ghau naikno te gnafa te theome Jiu teke kulu vavahi iara te mala nogu naikno thegu. Tuana unha teke chekeni Lord mae ihei te falalase ka naiknore gobigna lepo igre funu tifa te mei.’

Matiu 7:25

Neubane mei nakhete biꞌo na, mei neu nabritha na, nei mei neu nuri blahi na ka suga tuana, suga tuana ginauna theome phaꞌe. Naugna ne babana ke tagru glose te saesape ka thina.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Proveb 10:25

Narane naꞌau papara ginau mei jateula khoburu eghu mala mei goigonidi naikno te diꞌare. Nu naikno te doglore ginauna kegra heta fabrahu.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Letas Teke Riso Tei Mae Pol Ka Khiloau Rom 9:11

Nu God magnahaghei te leghuni nogna gaoghatho thegna na neke vahini kaisei mae ka phiamare. Ka narane theome karha teku phiamare na, phiamare neke theome eni kaisei glepo te keli ba te diꞌa,

Nodi Khoje Hatimare Mae Jiu 97:10

Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Naba 6:27

“Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Ululahu Timoti 6:19

Ka puhi igne mare ginauna na salofodu maladi thedi dedei te heta fara malagna nathuꞌu nauriha. Eghuteuna mare ginauna tangomana te thokeni nakarha te thofno tutuani igne.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Nodi Khoje Hatimare Mae Jiu 112:6

Mae te keli na theome tangomana te pari na, eghuteuna naiknore theome tangomana te ghatho ihoni mana na.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Letas Teke Riso Tei Mae Pol Ka Khiloau Rom 11:2

God theome tangomana te susukudi nogna naikno teke kulu vavahi mana tifa re. Ghotilo lasenihi thoutonu eigna mae Elija ka grioriso te blahi ia, eigna mana neke susukudi naiknodi Israel re neke cheke faheta eghu ka God,

Luku 6:48

Mae tuana jateula ngau kaisei mae te hohoro suga ia eghu. Mana dokha tei pari fara ne babana nogna suga na ke kligna thina. Aonu kate soru nakhete na, eghuteuna mei neu nabritha mala fariuriu paꞌe soruni suga tuana teuna. Nu nabritha na ginauna na theome tangomana te paꞌe soruni suga tuana, naugna suga tuana ne babana fakeli ke kligna thina.

Profet Hagae 2:23

“Eghuteuna iagho Serababel thugna Sieltiel, nogu mae gloku iara igne. Ka narane tuana, iara ginauna tusu ari nafnakno biꞌo ka iagho. Nafnakno igne jateula kaisei mae fahaghe ring gol te au ka geghesu phile khame nhetagna te thofno sigla fara ka nogu nolaghi iara igne eghu. Tutuani fara, iara neke kulu vahi nigho iagho te mala nogu mae gloku iara na. Iara Lord te chekeni igne!”

Letas Teke Riso Tei Mae Pol Ka Khiloau Rom 15:9

Jaola mana neke eni igne mala tangomana naikno te theome Jiure te kilo fnaknoni God eigna God neke kokhonidi mare. Jateula te chekeni mare ka grioriso te blahi na, “Eghume iara ginauna cheke fakeli nigho God ke lamnadi iheire te theome Jiura, iara ginauna koje ka nanghamu iagho.”

Profet Isaia 14:32

Jame te kuru mei mare keha mae soldia ka tahati, tahati na cheke eghu ka mare, “Lord neke vahini Jerusalem mala nodi vido keli mala poru nogna naikno teke au papara ra.”

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Hibru 11:10

Mae Ebraham ofo mala tei au ka namono biꞌo teke tarabana nei hohoro teku God te kegra maku fabrahu te theo ka grofo gna.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Profet Sekaraea 3:9

Filo! Iara Lord mae ihei te au nolaghi fateote'o igne la liliseihi kaisei thina ke ulugna Josua. Thina igne au fitu phile tagna, eghuteuna iara ginauna rioriso kaisei cheke tagna. Eghuteuna ka kaisei narane kolho, iara ginauna hata koko nakhibodi naiknogna glose igne.

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Profet Isaia 65:15

Naikno nate vavahi iara re ginauna cheke ka nanghami ghotilo mala cheke fadiꞌadi keha naiknore. Iara Lord ginauna falehe ghami ghotilo, nu iara ginauna tusu lao nangha majaghani ka nogu mae glokure.

Profet Isaia 63:19

Funu tifa te ghilei mei posa gognarogne ghehati jateula naikno te theome funei fruni ghami iagho ra eghu kolho. Uve, ghehati jateula te fiti naikno ra eghu kolho ka iagho.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Jone 3:33

Nu mae ihei te fatutuanidi unha te chekedi mana re, mana fatakleni unha te chekeni God na thofno tutuani fara.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Nonomho Te Keli Teke Risoi Mae Mak 12:16

Mare ne tusu lao kaisei sileni ka mana, mana ne ghusna eghu ka mare, “Thotoghale gna nei nanghagna eghu mae ihei te filodi ghotilo ka sileni na igrea?” Mare ne cheke eghu ka mana, “Mae Sisa.”