Fapea Timoti 2:18 - Buka Blahi Ka Cheke Holo

¹⁸ Phei mae igre tei kokonihi thofno fatutuani na. Naugna te chekeni phei mae igre na tahati ginauna theome kegra fapulo kolho, naugna tahati naikno khiloau gre neke kegra fapulohi. Nafnata farirhiu igne roꞌedi kolho nodi fatutuani keha naikno khiloaure.

Fapea Timoti 2:18 ပူးပေါင်းရင်းမြစ်များ

Ululahu Korin 15:12

Leuleghu fata na ghehati toutonuni eigna God te fakarha fapuloni Kraes kau glehe. Eghume, naugna unha si keha naikno ka ghotilo te cheke eghu, “Naikno tela lelehira theome tangomana te karha fapulo na” teu gnea?

Ululahu Timoti 1:19

Iara magnahaghe nigho te loku maku fabrahu nou fatutuani ba ka gaoghathomu te keli. Keha naiknore theome eni igne. Eghuteuna nodi fatutuanire la diꞌahi.

Hibru 3:10

Naugna igne iara diꞌatagu fara ka mare ne cheke eghu, ‘Nagnafadire la tei jafra ka iara. Mare theome laseni nabrougu iara na.’

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Jemes 5:19

Kheraguro, mae ihei tela tei kokonihi thofno chekegna God na, ghotilo ke toghoni mana mala ke pulo mei.

Fapea Timoti 2:14

Chekedi koba glepo igre. Iagho cheke faheta tadi ke ulugna God mala thosei magradi cheke te theo nafudi kolho igre. Nafnata puhi te magradi cheke igre thono diꞌa fara, naugna fadidiꞌa kolho nakarhadi naikno te fanomho ka magra tuare.

Ululahu Timoti 6:21

Keha naiknore la leghunihi puhi chaichaghi igne la jifla kokonihi khiloau na. Iara toreni nogna khokofakasai God mala au balumi ghotilo. Me gnafa. Iara, mae Pol.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Kolose 3:1

Ghotilo neke karha fapulohi balugna mae Kraes. Eghume, ghotilo magnahagheini fabrahu unha te au kligna na, aheva mae Kraes te gnokro soru ka sape nafnakno mala funei ka khame nhetagna God.

Ululahu Korin 11:19

Uve, keli ka ghotilo te fnota ka phei tothoghei ka khiloau na mala laseni ihei te thofno leghuni cheke te tutuani na. Phei tothoghei igre theome nodi tothoghei mae te dedei nei mae te khuma eghu nu nodi tothoghei iheire te thofno nomhini chekegna God na ba iheire te tirodi nomhini chekegna mana na.

Mae Khuru 5:39

Nu jame teke funu ka God na, ghotilo ginauna theome tangomana te lhotidire. Na eghunu magra ghotilo ka thegna God eghu.” Hatimare mae mala fate ne leghuni unha te chekeni mae Gamalio na.

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Matiu 22:29

Mae Jisas ne cheke eghu ka mare, “Ghotilo thono jafra fara! Naugna ghotilo theome lasedi gaoghathodi grioriso te blahi igre, nei ghotilo theome laseni la nogna nolaghi God na.

Matiu 15:13

Mae Jisas neke cheke eghu, “Mae Farasi gre jateula gaju teke theome joꞌu mae Kmagu iara te au kligna ia eghu. Mana ginauna kafe rathu koko balu glathidi.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.