Fapea Timoti 2:16 - Buka Blahi Ka Cheke Holo

¹⁶ Iagho figri lao thagrumu na ka nafnata cheke te diꞌa te theo nafudi tuare, naugna naikno te edi nafnata cheke tuare khogla eꞌei puhi kolho ranghidi keha naiknore mala tei kokoni God.

Fapea Timoti 2:16 ပူးပေါင်းရင်းမြစ်များ

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Taetus 1:14

nu mala thosei leghudi u nodi thoutonu poto mae Jiu are, ba u nodi vetula naikno te tirodi leghuni u farirhiu te tutuani na.

Fapea Timoti 2:14

Chekedi koba glepo igre. Iagho cheke faheta tadi ke ulugna God mala thosei magradi cheke te theo nafudi kolho igre. Nafnata puhi te magradi cheke igre thono diꞌa fara, naugna fadidiꞌa kolho nakarhadi naikno te fanomho ka magra tuare.

Profet Hosia 12:1

“Gobigna lepo te edi mae Israel funu hamerane te ghilei rafi igre theo nafudi kolho. Unha te edi mare igre jateula puhi sua te fariuriu tathako nuri ia eghu kolho. Mare cheke pouporu tafri ke leghudi kheradi thedire. Mare magra nei falehedi eghu kolho kheradi thedi re. Mare lilisei vetula mala loku balugna king gna Asiria, nei eꞌei bisnis baludi maedi Ijep te nogna naoka thegna na.”

Esra 10:10

Esra khegra ke uludi mare ne cheke eghu, “Ghotilo maemi Israel! Ghotilo theome fatutuani ni God! Ghotilo tolaghi ka gaꞌase bongihehedi delei, eghume tahati naiknoda Israel nabada te papara.

Thakle 13:3

Kaisei pha'ugna bosu tuana ne fnera, jateula teke falelehe hira eghu. Nu nafnera ka pha'ugna na kela mafohi. Eghuteuna naikno te gnafa ka nauthoglu gne thono jaglo nodi fara ka bosu tuana, ne leghuni puhigna bosu na.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Fapea Pita 2:2

Kmana naikno khiloau ginauna jaola leghudi puhi diꞌa te edi mare re. Naugna igne keha naiknore na funu cheke fadiꞌani Nonomho te Keli te thofno tutuani fara igne.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Ululahu Korin 5:6

Nomi fahaehaghe ghotilo eidi puhi te diꞌare theome doglo. Naugna ghotilo lasenihi cheke igne, “Katha isi ikoi kolho te mala fabiꞌodi bret te gnafare.”

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Ululahu Timoti 1:9

Jaola tahati laseni vetula na neke theome lilisei mala fadoglidi iheire te keli, nu mala fadoglidi iheire te huhughuni vetula na, iheire te eꞌei puhi diꞌa fabrahu, iheire te theome leghuni God, iheire te au ka puhi nakhibo, iheire te cheke faparini God ba iheire te cheke fadiꞌadi glepo te blahi re. U vetula na jaola mala fadoglidi iheire te falehedi idodi ba kmadi, ba aknu poruni ihei,

Fapea Timoti 2:21

Nogna naikno God re jateula tuana eghu. Eigna ihei te faklinoni thegna ka glepo te diꞌa te chekedi iara igre, mana jateula kaisei glepo ulu eghu, naugna mana ginauna au ka nakarha te klino. Eghuteuna mana ginauna tarabana mala eni unha gloku te keli ranghini Lord.