Fapea Timoti 2:12 - Buka Blahi Ka Cheke Holo

¹² Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Fapea Timoti 2:12 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Matiu 10:33

Nu ihei te kegra haghe ke uludi naiknore te tirogna chekeni te fatutuani ghau iara, iara ginauna tirogu cheke eigna mana ka mae Mama kligna. Mana ginauna theome nogu mae gloku iara.”

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Luku 12:9

Nu ihei te kegra ke uludi keha naiknore te cheke thakleni thegna te theome fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God mae tuana te theome nogu iara na.

Thakle 5:10

Iagho eꞌeidi mare mala mae pris te mala toghodi nogna naiknore nei mala pogho soruni God Kmagna noda King. Mare ginauna funei frunidi naiknogna nauthoglu igne.”

Luku 9:26

Mae ihei te mamaja ghau iara nei mamaja nila chekegu iara mae teke mei funu ka God na teuna, uve, iara ginauna jaola theome kiloni mana kate pulo mei iara balu nogu siasigla nei balu nogna nolaghi biꞌo mae Mama nei balu nodi nolaghi hatimare mae engel te blahi.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Filipae 1:28

Eghuteuna thosei mhaghudi iheire te theome magnahaghei ghami ghotilo na, nu te keli na kegra maku koba. Te eni ghotilo tuana na, mare ginauna laseni te theo kaisei nodi nolaghi te mala falehe ghami ghotilo na. Nu mare ginauna laseni God ngala te au nolaghi te mala fakarhi ghami ghotilo na nei paradi mare.

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Matiu 26:35

Nu mae Pita ne cheke eghu ka mana, “Iara na theome chaghi nigho! Iara ginauna mala lehe balumu iagho.” Eghuteuna keha mae fanomhore jaola ne cheke eghu ka mae Jisas.

Thakle 3:8

Iara lase ghamihi ghotilo te theome kmana ghotilo ka khiloau. Neuba ngau ghotilo ne leghuni fabrahu nogu farirhiu iara na, ghotilo theome mamaja te chekeni te nogu iara na. Eghume, iara la tothorahi kaisei grengatha malami ghotilo te mala ruma haghe ka nogna nauthoglu majaghani God na mala au fabrahu jare. Eghuteuna grengatha igne ginauna theome tangomana kaisei naikno te bobotho na.

Proveb 30:9

Glahu dedei fara iara ghatho ihoni Lord. Glahu kuma fara iara blau glepo, eghuteuna famamajani nanghagna nogu God iara na.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Nonomho Te Keli Teke Risoi Mae Mak 10:33

Mana ne cheke eghu ka mare, “Famane fanomho fakeli ghotilo ia. Tahati na haghe Jerusalem, eghuteuna ka namono tuana mare ginauna na snakre lao ghau iara mae teke mei funu ka God gne ka khamedi hatimare mae pris ulu nei hatimare mae velepuhigna vetula nogna mae Moses. Mare ginauna fate falehe ghau iara. Eghuteuna mare ginauna snakre lao ghau iara ka khamedi hatimare mae te theome Jiure.

Matiu 26:75

Aonu mae Pita neke ghathoni unha teke cheke eghu mae Jisas ia, “Ame taitanhi nga khokorako na teuna, iagho ginauna thilo fata chekeni ne theome lase ghau iara teuna.” Aonu mae Pita jifla kosi ne tanhi ne srudu balu diꞌanagnafa.

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Luku 22:29

Eghume iara gognarona tusu ari nolaghi ka ghotilo mala funei frunidi naikno gre balugu iara, jateula mae Mama teke tusu mei nolaghi igne ka iara.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Letas Teke Riso Tei Mae Pol Ka Khiloau Rom 5:17

Neuba naikno te gnafare ne naba mala lehe ngau ka nakhibogna kaisei mae igne Adam, unha te eni God ka nogna gloku kaisei mae igne Jisas Kraes na, thofno biꞌo fara. Tutuani, God mae ihei te namhadi fara naiknore, nei iheire te hatani nogna namha na, mana ginauna toghodi mala doglo ka tathagna thegna na. Naikno igre hatani u thofno karha te jifla mei ka mae Jisas Kraes na mala au fnakno balugna kligna tifa tifa.

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.