Fapea Timoti 2:1 - Buka Blahi Ka Cheke Holo

¹ Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Fapea Timoti 2:1 ပူးပေါင်းရင်းမြစ်များ

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Josua 1:7

“Kegra heta, thosei mhaghu, ba suaraghi. Leghu fakelidi vetula teke tusu ranghi nigho nogu mae gloku iara mae Moses. Iagho thosei koko kaisei phugra cheke ka vetula teke lilisei ranghi nigho mae Moses igre. Eghume, jame te leghu fakelidi iagho nogna cheke mana igre na, aheva te tei iagho na, iagho ginauna thofno doglo fara unha te magnahaghei edi iaghore.

Fapea Timoti 1:2

Uve ghema Timoti, iara riso ari letas igne ka iagho, eigna iagho jateula kaisei mae thofno thugu iara eghu. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Fapea Timoti 1:1

Iara mae Pol, nogna khuru mae Jisas Kraes. God neke kuru ghau iara mala toutonu eigna u karha fei tifa teke nhaꞌa cheke mana ranghidi naikno te gnafa te fatutuani ni mae Jisas Kraes.

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.