Fapea Timoti 1:8 - Buka Blahi Ka Cheke Holo

⁸ Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Fapea Timoti 1:8 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Fapea Timoti 2:9

Eghuteuna naugna te toutonuni iara u Nonomho te Keli igne, naiknore ne haru ghau iara ka chen jateula mare te haruni kaisei mae te huhughuni fara u vetula na ia eghu. Nu theome tangomana kaisei naikno ka nauthoglu gne te haruni chekegna God na ka chen.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Filipae 3:10

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana.

Luku 9:26

Mae ihei te mamaja ghau iara nei mamaja nila chekegu iara mae teke mei funu ka God na teuna, uve, iara ginauna jaola theome kiloni mana kate pulo mei iara balu nogu siasigla nei balu nogna nolaghi biꞌo mae Mama nei balu nodi nolaghi hatimare mae engel te blahi.

Fapea Timoti 1:16

Iara toreni Lord mala kokhonini mae Onesifora nei nogna tharakna. Mana neke togho ghau iara koba eghuteuna mana neke theome mamajani te au iara ka suga sosolo na.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Fapea Timoti 2:3

Eghuteuna iagho tarabana mala au papara balugu iara jateula kaisei nogna soldia keli mae Jisas Kraes.

Ululahu Tesalonika 3:4

Kani au teku balumi ia, ghehati neke kulu chekedi ka ghotilo naꞌau papara te thoke mei ka tahati te gnafa igre. Eghuteuna ghotilo lasenihi igne thofno thakle mei tutuani fara.

Filipae 1:7

Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Efesus 3:13

Eghume iara magnahaghei te cheke faheta fara ka ghotilo, thosei glaꞌe kate filo ghau iara te au papara eimi ghotilo gne, naugna iara eni igne mala togho ghami ghotilo.

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Letas Teke Riso Tei Mae Pol Ka Khiloau Rom 9:33

eigna God neke cheke eghu ka grioriso te blahi na, “Fanomho si ghotilo, iara ginauna lilisei haghe Saion kaisei naikno jateula kaisei thina mala faꞌukadi nei fatotokheidi naiknore. Nu ihei te fatutuani ni mana na, naikno igne ginauna theome tangomana te mamaja na.”

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Ululahu Korin 1:6

Jaola, Nonomho te Keli eigna Kraes igne heta fara ka nakarhamire.

Jone 19:35

Iara, mae teke kegra tekeu jare na, iara filodi glepo igre ne fatutuani ne toutonudi. Unha te chekedi iara igre thofno tutuani fara, theome chaghi. Eghuteuna iara toutonudi glepo igre mala fatutuani ni ghotilo mae Jisas Kraes.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Letas Teke Riso Tei Mae Pol Ka Khiloau Rom 8:36

Te chekeni kau grioriso te blahi na glepo igre tangomana te thoke ghita tahati, ne cheke eghu, “Naugna ghehati nou iagho, naiknore magnahaghei te falehe ghami ngala leuleghu narane, te ghathoni mare na ghehati gne jateula sipu te mala falelehe ra eghu kolho.”

Jone 15:27

Eghuteuna ghotilo jaola mala toutonu eigu iara kau nauthoglu igne, naugna ghotilo neke au balugu iara kani teke fufunu gna iara nogu gloku gne.”

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Fapea Timoti 1:10

Nu nogna namha mana igne neke theome thakle ka tahati ghilei mei noda mae Fakarhai Jisas Kraes. Mae Jisas neke roꞌenihi nogna nolaghi glehe na, eghuteuna ka Nonomho te Keli igne, mana neke falalase ranghi ghita u nabrou te mala hatini tahati u karha te theo ka huigna na.

Fapea Timoti 2:8

Thosei ghatho ihoni mae Jisas Kraes teke karha mei ka vikegna King Devet, eghuteuna mana teke karha fapulo ka glehe. Igne u Nonomho te Keli te toutonuni iara na.