Fapea Timoti 1:7 - Buka Blahi Ka Cheke Holo

⁷ Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Fapea Timoti 1:7 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Ululahu Jone 4:18

Theo kaisei namhaghu ka thofno namha na. Nu thofno namha na brue fadeleini namhaghu. Eghuteuna ihei te ofoni fate na au balu mhaghu. Eghume ihei te mhaghu na, thofno namha na theome horoghoto ka mana.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Luku 10:19

Fanomho fakeli ghotilo ia. Iara la tusu arihi ka ghotilo nolaghi te mala tangomana ghotilo te tapla ke klignadi mogo te faghughumhu nei khafrasege, mala theome kabru ghotilo. Eghuteuna iara la tusu arihi ka ghotilo nolaghi biꞌo te uluni fara ghotilo nogna nolaghi noda naoka tahati mae Satan. Eghuteuna ginauna na theo kaisei glepo nate fakabru ghami ghotilo na.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Proveb 2:7

Mana tangomana te toghodi gaoghathodi naikno te doglo re, eghuteuna reireghidi naikno te leghuni unha te tutuani na.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Letas Teke Riso Tei Mae Pol Ka Khiloau Rom 5:5

Eghuteuna u grouronu igne theome mala fadiꞌa nagnafa ghita tahati. Naugna God neke falalasehi nogna namha na ka tahati nei mana neke kuru mei nogna Tharunga te Blahi na mala au ke lamnada.

Hibru 2:15

Eghuteuna, mae Jisas neke vuhai naikno mala tangomana te snagla iheire te mhaghuni glehe fabrahu funu tifa.

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Ululahu Korin 2:4

Nogu farirhiu nei nogu thoutonu teu iara ka ghotilo igre theome jateula puhidi mae te lalase fara nei mae te lase cheke ra eghu. Nu iara toutonuni u Nonomho te Keli igne ka nafnata puhi te mala lase fakelini nogna nolaghi Tharunga gna God na.

Luku 24:49

Iara ginauna kuru mei ka ghotilo mae ihei teke nhaꞌa cheke mae Mama na. Nu ghotilo mala au ngala Jerusalem ghilei hatini nogna nolaghi God te mei funu kligna na.”

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Profet Maeka 3:8

Nu ka iara na, Lord tusu mei nolaghi nei Tharunga gna na ka iara. Eghuteuna mana togho ghau iara mala thofno lasedi iara puhi te doglo te mala fatedi naiknore. Eghuteuna farerheta gaoghathogu iara na mala tangomana iara te cheke fajifladi nakhibodi nogna naikno mana re.

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Mae Khuru 21:13

Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Kolose 1:8

Mae Epafra jaola neke toutonu ka ghehati eigna nomi namha biꞌo ghotilo ranghidi naiknore, namha biꞌo igne neke tusu ari ka ghotilo mae Tharunga te Blahi.

Mae Khuru 6:8

God ne fablahini mae Stivin nei tusu ranghini mana u nolaghi biꞌo mala edi kofubobhoi te biꞌo, nei fagaglana te biꞌo eghu ke lamnadi naiknore.

Mae Khuru 9:22

Neuba ngau gognaro na mae Sol thono nolaghi fara ka nogna chekere. Eghuteuna mae Jiu te au Damaskas re theome tangomana te magra ka mana na, naugna mana thofno falalase ranghidi mae Jisas gne ngala mae Kraes na.

Luku 8:35

Aonu naiknore mei ne filoni unha te toutonuni mare na. Eghuteuna kate mei mare ka mae Jisas na, mare ne filoni mae teke brue fajifla mae Jisas naiture tagna na. Mana pipichi pohe gnokro neu rhedi ghahegna mae Jisas re, eghuteuna gaoghathognare kela doglohi. Aonu naiknore ne mhaghu nodi fara.

Mae Khuru 26:25

Mae Pol ne cheke eghu ka mana, “Ghema Gavana Festas, iara theome meomekro. Nogu cheke iara igre tutuani fara. U cheke igre theome nogna cheke kaisei mae te meomekro.

Luku 15:17

“Kate au papara tuana neke pulo mei nga gaoghatho te keli na ka mana. Mana ne ghaoghatho eghu, ‘Tore! Nogna mae gloku mae mama ra au ghedi kmana gano. Nu iara na au glehe rofo teu ao.

Mae Khuru 26:11

Leuleghu namono na iara ruma ke lamnadi suga tharai are paradi koba nei fariuriu mala cheke fadiꞌani mare mae Jisas. Iara neke thono diꞌatagudi fara mare. Aonu iara neke tei ka keha namono te au ke kosigna namono igne mala tei hirodi nei paradi eghu.”

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.