Fapea Timoti 1:5 - Buka Blahi Ka Cheke Holo

⁵ Iara laseni nou fatutuani iagho ka Lord Jisas Kraes na thono heta fara, jateula teke eni kavemu Loesi ghe idomu Iunisi tifa ia eghu. Te ghathoni fara iara na u nafnata fatutuani te heta fara tuana te au ka iagho gognaro na.

Fapea Timoti 1:5 ပူးပေါင်းရင်းမြစ်များ

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Mae Khuru 16:1

Mae Pol ghe mae Silas ne tei thoke Debi. Eghuteuna ke leghugna igne phiamare jifla jare neke tei Listra. Kaisei mae khiloau nanghagna na mae Timoti au jare Listra. Idogna mae Timoti gne tifa na neke thau Jiu eghuteuna gognaro na naꞌa thau khiloau. Eghuteuna mae kmagna na kaisei mae Griki.

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Letas Teke Riso Tei Mae Pol Ka Khiloau Rom 15:14

Kheraguro, iara thofno laseni eigna ghotilo edi fabrahu puhi te kelire, naugna ghotilo lasenihi puhigna God na nei tangomana te farirhiudi naiknore thofno chekegna God.

Hibru 6:9

Uve, kheraguro, neubane cheke faheta ghehati ka ghotilo, ghehati thofno laseni ghotilo theome leghuni kaisei puhi te diꞌa, nu ghotilo leghu fakelini nogna puhi God te mala fakarha ghami na.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Fapea Korin 6:6

Ghehati falaseni eigna ghehati nogna mae gloku God ka nomi glalase eigna Nonomho te Keli na. Puhimire klino fara. Ghehati theome tangomana te ghosei te diꞌatami na nei ghehati tangomana te keli ranghini ihei. Tharunga te Blahi na au ka ghehati, nei u namha tutuani te mala namhani ihei na au ka ghehati.

Letas Teke Riso Tei Mae Pol Ka Khiloau Rom 8:38

Uve, iara fatutuani ni fara igne, eigna theome tangomana kaisei glepo te fota ghita ka nogna namha God na. Neuba tahati ne karha ba ne lehe, neuba kaisei engel ba kaisei naitu, neuba glepo te mei gognaro gre ba glepo nate mei ginau,

Letas Teke Riso Tei Mae Pol Ka Khiloau Rom 4:21

Naugna mae Ebraham thofno laseni ngala God te theome ghatho ihoni nogna nhaꞌa cheke na.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Nodi Khoje Hatimare Mae Jiu 86:16

Filo mei kokhoni ghau iara sagho. Uve, iagho farheta ghau nei fakarhi ghau eghu iara, naugna iara gne nou mae gloku iagho, jateu teke eni idogu ka iara tifa ia eghu.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Letas Teke Riso Tei Mae Pol Ka Khiloau Rom 14:14

Eigna iara kaisei balugna nogu Lord Jisas, iara thofno laseni te theo kaisei gano te ima tahati te mala tapla jafra ke ulugna Lord na. Nu jame ihei te ghathoni keha nafnata ganore te blahi te mala ima na teuna, nabagna na mana thosei ima gano tuana.

Letas Teke Riso Tei Mae Pol Ka Khiloau Rom 14:5

Gaoghathodi keha naiknore kaisei narane na uludi fara keha narane re eghu, eghuteuna gaoghathodi keha naiknore narane te gnafare kaisei nanaba ngala eghu. Soasopai naikno na mala ghaoghatho fakelini igne ka nagnafagna na.

Mae Khuru 26:26

Mae King Agripa lasedi glepo igre. Iara theome mamaja te cheke ka mana na. Te laseni iara na mana kafe nomhidi glepo igre naugna glepo igre neke theome edi ka vido te poru.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Profet Jeremaea 3:10

Neuba, Juda jaola ne tei koko ghau iara ne tei eni puhi te diꞌa na. Naꞌa theome tughu nagnafa mala ke figri mei ka iara. Naꞌa chaichaghi ghau iara fabrahu kolho.” Igne chekegna Lord.

Nodi Khoje Hatimare Mae Jiu 81:15

Uve, jame fanomho koba nogu naikno re ka iara meuna, iara ginauna na famamhagudi naikno te tirodi ghau iara gre. Eghuteuna iara ginauna paradi fabrahu naikno te diꞌa tuare.

Nodi Khoje Hatimare Mae Jiu 77:6

Leuleghu bongi na iara gaoghathodi fabrahu eidi narane teke koje iara teke glealeꞌa nagnafagu na, aonu iara ne cheke eghu:

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nodi Khoje Hatimare Mae Jiu 18:44

Kate nomhi ghau iara na, naiknodi keha kantri re ne ghosei ne mei pogho soru ke ulugu iara nei leghudi nogu cheke iara re.

Nodi Khoje Hatimare Mae Jiu 17:1

Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.