Fapea Timoti 1:2 - Buka Blahi Ka Cheke Holo

² Uve ghema Timoti, iara riso ari letas igne ka iagho, eigna iagho jateula kaisei mae thofno thugu iara eghu. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Fapea Timoti 1:2 ပူးပေါင်းရင်းမြစ်များ

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Mae Khuru 16:1

Mae Pol ghe mae Silas ne tei thoke Debi. Eghuteuna ke leghugna igne phiamare jifla jare neke tei Listra. Kaisei mae khiloau nanghagna na mae Timoti au jare Listra. Idogna mae Timoti gne tifa na neke thau Jiu eghuteuna gognaro na naꞌa thau khiloau. Eghuteuna mae kmagna na kaisei mae Griki.

Filipae 4:1

Eghume, kheraguro, iara magnahaghei ghami ghotilo jateula teke chekeni iara ka ghotilo ia eghu kegra heta ka nomi fatutuani na ka Lord. Iara thono namha ghami ghotilo nei magnahaghei te filo ghami ghotilo. Uve kheraguro, iara gleale'a fara nei thono fahaehaghe ghau fara eigna nakarhami ghotilo na. Naugna ghotilo jateula kaisei taba eghu ka gloku biꞌo te eni iara gne.

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Ululahu Korin 4:17

Naugna igne, iara kuru arini mae Timoti ka ghotilo. Iara namhani mana jateula thofno mae thugu eghu, naugna mana loku fakeli ranghini Lord. Mana ginauna farirhiu ghami ghotilo puhigna Kraes te leghuni iara gne, jateula iara te farirhiudi naikno khiloau ka namono te gnafa gre eghu.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Fatilo Jone 1:4

Iara ne thofno keli tagu fara kate nomhidi goro thugu te leghuni Nonomho te Keli gne.