Fapea Timoti 1:13 - Buka Blahi Ka Cheke Holo

¹³ Leghu fakelidi cheke teke nomhidi iagho ka iara ra. Cheke igre jateula thotoghale eghu mala laseni iagho nabrou te keli te mala farirhiudi naiknore. Eghuteuna iagho edi igre balu fatutuani ni mae Jisas Kraes nei namhadi keha naiknore eghu eigna tahati nogna naikno mana.

Fapea Timoti 1:13 ပူးပေါင်းရင်းမြစ်များ

Taetus 1:9

Glepo leghu lahu na, mana mala thofno fatutuani fara nei loku famaku eghu kau Nonomho te Keli eigna mae Jisas Kraes te farirhiuni tahati gne. Te eghu na, mana na tangomana te farirhiudi naikno khiloau re eigna u thofno farirhiu te tutuani igne. Eghume naikno khiloau re na au nodi gaoghatho nheta te mala leghuni u farirhiu te tutuani na. Mana jaola mala fatakledi unha glepo te jafra re ranghidi naikno te tirodi leghuni u farirhiu tutuani na.

Fapea Timoti 3:14

Nu iagho leghudi fabrahu farirhiu teke lasedi nei fatutuanidi teu iagho ra, naugna iagho lasedi puhimi ghehati mae iheire teke farirhiu nigho iagho ra.

Filipae 4:9

Ghatho fakelidi glepo te farirhiu ghami iara igre, nei glepo te edi iara tela filodihi ghotilo ra, nei glepo te edi iara tela nomhidihi ghotilo ra eghu. Eghuteuna God mae te tusu ranghi ghita u pharikeli na, mana ginauna au balumi ghotilo.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Thakle 3:11

Iara ginauna theome raugha nake pulo mei ka ghotilo. Eghume, ghotilo mala loku faheta ka puhi te keli tela auhi ka ghotilo are, na eghunu mei keha naiknore me fanogra ghami te mala hatagna taba nate tusu ari iara tami na.

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.

Ululahu Timoti 1:14

Nu mae Jisas Kraes noda Lord neke bruara khokofakasai te biꞌo ke klignagu iara eghuteuna tusu ranghi ghau iara fatutuani nei namha maladi naiknore.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Hibru 10:23

Tahati mala kegra haghe balu rouronu kau nonomho te keli eidi glepo te fatutuani ni tahati nate thoke mei ginau. Eghume thosei ghatho peapea naugna God neke kulu nhaꞌa chekehi ka tahati. Mana ginauna edi glepo igre.

Fapea Timoti 1:14

Taji fakelini famane farirhiu teke tusu ari God ka khamemu iagho ana. Mae Tharunga te Blahi te au ka tahati na mana ginauna togho nigho iagho mala eni igne.

Letas Teke Riso Tei Mae Pol Ka Khiloau Rom 2:20

Eghuteuna ghotilo thofno ghathoni igne, eigna ghotilo nodi mae velepuhi iheire te jafra gaoghathodi nei iheire te iho. Naugna ghotilo la hatahi nogna vetula mae Moses na. Eghume, unha te chekeni ghotilo na, ghotilo falalase ka keha naiknore eigna teke hata glalase fateote'o ghotilo na, nei cheke te tutuani fateote'o kau vetula na.

Taetus 2:1

Nu iagho ghema Taetus, iagho famane cheke ranghidi naikno are mala leghu fakelini mare u nafnata farirhiu te tutuani na.

Ululahu Timoti 6:3

Keha naiknore funu farirhiu glepo te jafra fara nei theome leghuni thofno nogna farirhiu tutuani noda Lord Jisas Kraes nei nogna farirhiu khiloau na.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Ululahu Timoti 1:10

ba iheire te eni puhi te diꞌa, ba iheire te glalama fari nalhaꞌu, ba iheire te blau naikno te mala fofoli jateula sneka, ba iheire te cheke chaichaghi tafri, ba iheire te cheke chaichaghi ka fate, ba iheire te eni kaisei glepo te theome leghuni farirhiu te keli na.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Thakle 2:25

Uve, te chekeni iara ka ghotilo na, loku famaku ka puhi te keli te au ka ghotilo are ghilei thokeni narane nate ke pulo mei iara na.’

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Kolose 1:4

Ghehati cheke fakelini God naugna nomhini nomi fatutuani biꞌo ka mae Jisas Kraes nei namhadi nogna naikno God te gnafare.

Proveb 4:13

Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Fapea Timoti 1:1

Iara mae Pol, nogna khuru mae Jisas Kraes. God neke kuru ghau iara mala toutonu eigna u karha fei tifa teke nhaꞌa cheke mana ranghidi naikno te gnafa te fatutuani ni mae Jisas Kraes.

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.