Fapea Tesalonika 3:8 - Buka Blahi Ka Cheke Holo

⁸ Eghuteuna ghehati jaola neke theome fiti hata kaisei gano ka naiknore. Ghehati themi teke folidi gobigna lepore. Leghu fata na, ghehati loku heta fara bongi narane, naugna ghehati theome magnahaghei kaisei ka ghotilo te ninhigrana ranghini fara.

Fapea Tesalonika 3:8 ပူးပေါင်းရင်းမြစ်များ

Matiu 6:11

Tusu mei ranghi ghami gano te nabagna narane igne.

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Mae Khuru 18:3

mae Pol ne au ka repa ne loku baludi repa. Naugna nodi gloku retilo na mala susuki tapuale.

Ululahu Tesalonika 4:11

Hati nhetami na au ka nakarha te muana. Loku fakelidi nomi gloku themi are, nei loku ka khamemi themi are. Naugna ghehati neke kulu chekehi ka ghotilo te mala edi glepo igre.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Ululahu Korin 4:12

Ghehati loku heta fara te mala au ghemi gano na. Kate cheke fadiꞌa ghami naiknore, ghehati fablahidi. Kate para ghami naiknore, ghehati lisa lao kolho.

Fapea Tesalonika 3:12

Eghume ka nanghagna mae Jisas Kraes noda Lord, ghehati cheke faheta ka mare mala au fakeli nei loku heta mala au ghedi gano thedi.

Fapea Korin 11:9

Eghuteuna kani teke au iara balumi ghotilo ia iara neke ari neke kmo'e ka glepo, eghuteuna iara neke theome chekeni kaisei naikno ka ghotilo. Hatimare mae thabusigna teke mei funu ka namono Masidonia, mare hata neke mei gobigna lepo teke kmo'edi iara re. Eghume iara neke theome fagloku biꞌo ghami ghotilo ka kaisei glepo tifa na, eghuteuna iara ginauna jaola theome fagloku biꞌo ghami ke leghu na.

Mae Khuru 20:34

Eghuteuna ghotilo themi lase nila, iara thegu loku heta ka khamegu igre mala ludedi gobigna lepo te magnahaghedi iara ba te magnahaghedi kheragu fofodure.

Proveb 31:27

Leuleghu fata na naꞌa rugusi kolho, eghuteuna naꞌa reireghi fakelini tharaknagna na.

Nehemaea 5:18

Leuleghu narane na, mare falehe kaisei buluka, eghuteuna namno famane sipu, eghuteuna kmana kokorako mala ghamu ghehati. Eghuteuna leuleghu nabotho narane na, iara tufa soasopai nafnata waen ka naiknore. Naugna iara mae gavana, iara au nogu nolaghi te mala hata sileni ka naiknodi Juda mala foli gano. Nu neuba, iara theome magnahaghei te huhurudi mare mala foli, naugna iara laseni narane ninhigrana la thokedi mare.

Ululahu Korin 9:4

naugna iara kaisei mae khuru, tutuani iara tangomana te toredi naiknore te mala togho ghau ka gano ba khoꞌu jame te magnahagheni iara na.

Fapea Korin 11:27

Iara theome thuru ka gloku biꞌo nei nakmusa. Eghuteuna kmana fata iara rofo nei roi koꞌu. Kmana fata iara dangna nei reka nei theo pohe.

Fapea Kings 6:2

Te keli na iagho snakre ghami ghehati mala tei kato thaba ka geri khoꞌu Jordan mala horo keha suga na.” Eghuteuna mana ne cheke eghu ka mare, “Keliu kolho, tei si ghotilo.”