Fapea Tesalonika 3:6 - Buka Blahi Ka Cheke Holo

⁶ Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Fapea Tesalonika 3:6 ပူးပေါင်းရင်းမြစ်များ

Fapea Tesalonika 3:7

Ghotilo themi lasenihi igne, ghotilo mala leghudi puhimi ghehati gre. Naugna kate au balumi ghotilo ra, ghehati neke theome tiromi loku.

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Fapea Tesalonika 2:15

Eghume, kheraguro, kegra heta ka nomi fatutuani nei loku famaku ka farirhiu teke tusu ari ghehati igne. Ghehati neke farirhiu ghami ghotilo ka chekemi nei ka letas.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Ululahu Tesalonika 4:11

Hati nhetami na au ka nakarha te muana. Loku fakelidi nomi gloku themi are, nei loku ka khamemi themi are. Naugna ghehati neke kulu chekehi ka ghotilo te mala edi glepo igre.

Ululahu Korin 11:2

Iara cheke fakeli ghami ghotilo naugna ghotilo theome ghatho ihodi puhigu iara re, eghuteuna thofno leghuni nogna farirhiu khiloau teke tusu ari iara ka ghotilo ra.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Ululahu Korin 5:4

Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Fapea Korin 2:10

Ihei te hata fadeleidi ghotilo nakhibognare, iara jaola hata fadeleidi nakhibo tuare ka mana, eghu te edi mana unha te naba iara te hata fadeleidi ka mana re. Iara hata fadeleidi nakhibogna mana re ke ulugna Kraes, naugna iara magnahagheni te togho ghami ghotilo.

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Ululahu Korin 5:9

Ka letas teke riso ari iara ka ghotilo tifei ia, iara neke chekehi ka ghotilo mala thosei fofodu baludi iheire te tapla jafra ka nakhibo are.

Fapea Jone 1:10

Jame kaisei mae mei ka ghotilo, nu mana theome hata mei nogna farirhiu mae Kraes igne teuna, thosei hata meini ka nomi sugare ba toutonu balugna mana.