Fapea Tesalonika 3:16 - Buka Blahi Ka Cheke Holo

¹⁶ Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Fapea Tesalonika 3:16 ပူးပေါင်းရင်းမြစ်များ

Nodi Khoje Hatimare Mae Jiu 29:11

Lord na tusu ranghi ghita tahati nogna naikno gre nanheta nei pharikeli.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Letas Teke Riso Tei Mae Pol Ka Khiloau Rom 15:33

Iara toreni God mae ihei te tusu ranghi ghita pharikeli mala au balumi ghotilo gnafa. Amen.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Jajis 6:24

Eghuteuna Gidion ne horo kaisei olta mala tarai ka Lord ka vido igne, eghuteuna mana ne kiloni vido igne “Lord neke tusu mei pharikeli.” Eghuteuna olta igne au ngala namono Ofra ka nodi glose vikegna Abiesa.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Sekaraea 6:13

eghuteuna naiknore ginauna ghatho tahuni mana jateula king eghu. Eghuteuna kate funei frunidi nogna naiknore, kaisei pris ginauna kegra fabrahu rhegna mana. Leuleghu fata na phia mare ginauna loku fodu ka kaisei gaoghatho kolho, nei au fakeli.’

Naba 6:26

Lord ginauna au balumi ghotilo mala au ghotilo ka nakarha te keli!’

Filimon 1:25

Nogna khokofakasai noda Lord Jisas Kraes au balumi ghotilo. Me gnafa. Iara, mae Pol.

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Ululahu Samuel 17:37

Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Hibru 7:2

Aonu ka narane tuana mae Ebraham ne fofota gobigna lepo teke hata ka magra re, mana ne tufa ka mae Melkisedek fabothodi glepo tuare. Eghuteuna gaoghathogna u nangha Melkisedek teu igne. Ulu lahu na, “Mae king gna puhi te doglo.” Fapea na, “Mae king gna pharikeli.” Naugna nanghagna namono mana na kiloi “Salem”, ba “Pharikeli”.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Profet Isaia 66:12

Iara ginauna tusu ranghi ghami pharikeli, eghuteuna ghotilo ginauna atha nomi glepo te keli fara ka keha kantri te au faligoho ghami ghotilo are. Ghotilo ginauna na jateula kaisei khoꞌu te loloro fabrahu te theome krango ka vido te ahora eghu na theome ari kmoꞌe ka kaisei glepo te keli. Eghuteuna ghotilo ginauna glealeꞌa fara jateula kaisei naikno biꞌo te namhani fara thugna na te pala haghe te fachuꞌu ra eghu.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.

Nodi Khoje Hatimare Mae Jiu 72:7

Te keli na jame gobigna lepo ka kantri igne mala doglo ka narane te king mana na. Eghuteuna ghehati na au fabrahu ka nakarha te keli.

Nodi Khoje Hatimare Mae Jiu 72:3

Te toreni iara ka iagho na vido ka thogele na are ginauna karha kmana gano maladi nou naikno iagho gre naugna puhidi nou naikno iagho re thofno doglo fara.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Fapea Tesalonika 3:18

Iara toreni nogna khokofakasai mae Jisas Kraes noda Lord mala au balumi. Me gnafa. Iara, mae Pol.

Profet Hagae 2:9

Eghuteuna Sugablahi majaghani igne ginauna famane fara salaꞌuni Sugablahi ulu ia. Eghuteuna naiknore, ginauna au fakeli nei au ka pharikeli. Iara Lord te chekeni igne!”

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Ululahu Samuel 20:13

Nu jame ghaoghaho mala fadiꞌa nigho iagho teu mana na, iara ginauna togho nigho mala rikha iagho. Jame te theome eni iara igne na, snakreni Lord mala para ghau iara. Iara toreni Lord mala au balumu iagho jateula mana teke au balugna mae mama tifa ia eghu!

Efesus 6:23

Iara toreni God Kmada nei Jisas Kraes noda Lord, eigna phiamare ginauna tusu ranghi ghita pharikeli nei namha balu fatutuani ka kherada naikno khiloau fateote'o.

Ululahu Tesalonika 3:11

Ghehati tarai ka God Kmada thegna nei noda Lord Jisas Kraes mala kuru fapulo ghami ka ghotilo thogheiro.