Fapea Tesalonika 2:8 - Buka Blahi Ka Cheke Holo

⁸ Ke leghugna igne, mae mala huhughuni vetula na ginau thakle mei. Noda Lord Jisas ginauna faleheni mae tuana ka phaphanga te jifla mei ka foflogna. Uve, ka narane pulo meigna mae Jisas na, nogna nolaghi biꞌo mae Jisas na ginauna siasigla mei mala roꞌeni mae tuana.

Fapea Tesalonika 2:8 ပူးပေါင်းရင်းမြစ်များ

Fapea Tesalonika 2:3

Thosei snakreni kaisei naikno me chaghi ghami, naugna narane meigna noda Lord Jisas Kraes na theome tangomana te mei ghilei thoke mei narane kmana naikno nate figri tagruni God. Eghuteuna mae tuana mare kiloni mana, “Mae mala huhughuni vetula,” mana na kulu meila. God ginauna roꞌeni mae te diꞌa tuana.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Thakle 2:16

Eghume, ghotilo koko puhimi te diꞌare. Nu jame te eni fabrahu ghotilo nakhibo na, iara ginauna theome raugha ari ka ghotilo mala magridi naiknore ka naflahi te fnonu piepile te jifla mei ka foflogu iara na.

Ululahu Jone 5:18

Tahati laseni ihei te thugna God na theome mala tapla jafra fabrahu ka nakhibo, naugna mae Jisas Thugna God na reireghi fakelini mana, eghuteuna mae Satan theome tangomana te habo lao ka mana.

Hibru 10:27

U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Fapea Timoti 1:10

Nu nogna namha mana igne neke theome thakle ka tahati ghilei mei noda mae Fakarhai Jisas Kraes. Mae Jisas neke roꞌenihi nogna nolaghi glehe na, eghuteuna ka Nonomho te Keli igne, mana neke falalase ranghi ghita u nabrou te mala hatini tahati u karha te theo ka huigna na.

Profet Daniel 7:26

“ ‘Kate gnafa nogna narane mana igre, God ginauna fateni mae king igne. Aonu God ginauna hata koko nogna nolaghi mae king igne. Eghuteuna mare ginauna na goigonini ni fara mana.

Thoutonu Eigna Mae Job 4:9

Nuri te mei funugna ka God na roꞌedi mare. Kate diꞌatagna te fnaja mana na, mare na dofidi.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Ululahu Jone 2:13

Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo tapla sorunihi mae Satan.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Ululahu Timoti 6:14

Naugna glepo teke chekedi God mala edi iagho teku ra, iagho famane leghudi ka puhi te doglo ghilei thokeni narane mala ke pulo meigna noda Lord Jisas Kraes.

Matiu 13:38

Nauthoglu igne jateula nagare eghu. Naikno te funei frunidi God igre jateula sisi te keli eghu. Naikno te leghuni Satan igre jateula sokiaro eghu.

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.

Profet Hosia 6:5

Naugna igne, iara na kurudi nogu mae profet igre mala kulu ari cheke ka ghotilo. Eigna iara ginauna na ari fate falehe ghami, nei goigoni ghami eghu ghotilo. Eghuteuna puhi te fate ghami iara igne ginauna thakle haghe jateula kaisei naphae eghu.

Nodi Khoje Hatimare Mae Jiu 18:15

Kate diꞌatagna mana te cheke faheta ka nogna naokare, khotogna nhorora na thakle haghe ne kakhana. Eghuteuna famamhakugna nauthoglu na ne jaola ne kakhana kate gae na.

Profet Isaia 30:28

Phangagna mana na goigonidi gobigna lepore, jateula khoꞌu biꞌo te britha te goigonidi gobigna lepo te ghilei haghe ka graragna naikno na ia eghu. Phanga igne ginauna goigonidi gnafa naikno te gnafa ka keha kantri igre. Eghuteuna mana ginauna huhurudi mare mala tei au delei ka vido aheva mare te theome magnahaghei te tei au tagna.

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Profet Daniel 8:25

Naugna mana laseni fara te chaichaghi na, gobigna lepo te edi manare ginauna keli fara leghuni nogna puhi chaichaghi na. Mana ginauna fahaehagheni thegna, eghuteuna kate iho teu naiknore, mana au nogna nabrou te mala goigonidi naiknore. King igne ginauna cheke faparini God mae ihei te fnakno ke klignadi king te gnafa ka nauthoglu igne. Theo kaisei mae tangomana te tapla faparini mana na, nu God ginauna goigonini mana.

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Ululahu Korin 1:28

Eghuteuna mana jaola vahidi iheire te pari fara nei diꞌa fara nei fiti naikno kolho teu naiknogna nauthoglu igne mala tapla sorudi iheire te fnakno fara mala theo nafudi ka nauthoglu igne.

Thakle 13:5

God ne snakreni bosu tuana mala cheke fahaehaghe nei mala cheke faparini eghu thegna naba thilo finogha namno nhigra. God jaola snakreni mana mala eni unha mana te magnahagheni kate funei frunidi naiknore.

Fapea Samuel 23:7

Phono igne, mana hata naflahi thagho ba goru mala hata tei gnubra ka khaꞌaghi.”