Fapea Tesalonika 2:4 - Buka Blahi Ka Cheke Holo

⁴ Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.

Fapea Tesalonika 2:4 ပူးပေါင်းရင်းမြစ်များ

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Ululahu Korin 8:5

Tutuani, kligna ba ka nauthoglu gne au glepo te kilodi mare “god”. Eghuteuna neubane au kmana nafnata “god” nei kmana nafnata “Lord”,

Profet Esikiel 28:6

“ ‘Eghume Lord God neke cheke eghu: “ ‘Naugna ne jateula kaisei god neu teu iagho ka gaoghathomu na,

Profet Daniel 11:45

Eghuteuna king ginauna babana haghe nogna suga tapuale biꞌo na farihotei Thongna Mediterenian ghe Thogele blahi Saion. Nu mana ginauna lehe jare, eghuteuna ginauna na theo kaisei naikno nate au teu te toghoni mana na.”

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Profet Daniel 7:8

“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”

Profet Esikiel 28:9

Jame te kegra iagho ke uludi mae iheire nate falehe nighore, iagho ginauna tangomana nate chekeni te iagho kaisei god na? Ghema, iagho naikno kolho, iagho theome kaisei god.

Profet Isaia 31:3

Naiknodi Ijep igre theome god, nu mare naikno kolho. Eghuteuna nodi hose re glepo tautagu kolho, reꞌe jaola tangomana te lehe na. Ka narane te fakakhana Lord nogna nolaghi na, mana ginauna goigonidi naiknodi Ijep ka magra. Mana ginauna jaola goigonidi iheire te rouronu kolho ka naiknodi Ijep.

Mae Khuru 17:23

Kate tei faligohoni iara namono ghotilo igne, iara filodi glepo te pogho sorudi ghotilo gre. Eghuteuna iara jaola ne filo deni kaisei olta te au grioriso igre, ‘Nogna olta kaisei god te theome laseni tahati.’ Uve, ghotilo pogho soru ka God mae ihei te theome laseni themi na. Nu God te theome laseni ghotilo igne ngala nate toutonuni iara ka ghotilo na!