Fapea Tesalonika 2:2 - Buka Blahi Ka Cheke Holo

² Ghehati tore ghami ghotilo fara mala thosei ghosei diꞌanagnafami ba rhana nomi kate nomhidi ghotilo nafnata cheke igre, “Narane gna Lord na la meihi.” Glahu chaghi mare cheke eghu, mae Tharunga te Blahi teke cheke eghu na, ba ghehati teke cheke na, ba teke risoni ghehati ka letas na.

Fapea Tesalonika 2:2 ပူးပေါင်းရင်းမြစ်များ

Nonomho Te Keli Teke Risoi Mae Mak 13:7

Kate nomhidi ghotilo naogladi magra rhemi re, thosei nanga nomi fara. Glepo igre mala kulu thoke mei, nu narane leghu lahu na theome thoke mei au.

Fapea Tesalonika 3:17

Iara mae Pol riso kubae ranghi ghami ghotilo ka khamegu thegu. Nogu letas te gnafare iara saen nanghagu na leghu lahu mala laseni teke funu ka iara. Igne puhi te eni koba iara na.

Luku 21:9

Kate nomhidi ghotilo nonomho eidi magra, ba naiknore magridi nodi mae funei thedire teu igre, thosei mhaghu. Naugna glepo igre mala kulu mei ame thoke mei nga narane leghu lahu na eghu.”

Ululahu Tesalonika 4:15

Unha te chekedi ghehati gognaro igre nogna farirhiu thegna Lord. Tahati karha teu ka narane ke pulo meigna Lord na ginauna au balugna mana, nu theome thofno tei mala au balugna mana ke uludi iheire tela lehehi ra.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Luku 21:19

Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Maeka 2:11

Jame kaisei mae chaichaghi mei ka ghotilo ne cheke eghu, ‘Iara cheke fadoglo ka ghotilo! Na theome raugha, nomi namono ghotilo igne ginauna fodu fara ka waen nei beer,’ igne nafnata mae te kelitami fara ghotilo na.”

Profet Isaia 7:2

Kate nomhini King Ehas baludi nogna naiknore te loku fodu nodi soldia phei king igre te mala magra Juda na, mare ne mhaghu nodi fara.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Ululahu Tesalonika 3:3

Ghehati kuru arini mana mala theo kaisei ka ghotilo te figri fapulo ka nogna fatutuani na eidi naꞌau papara gognaro gre. Eigna ghotilo themi lasedi nafnata naꞌau papara igre u gaoghathogna God malada tahati.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Fapea Tesalonika 2:15

Eghume, kheraguro, kegra heta ka nomi fatutuani nei loku famaku ka farirhiu teke tusu ari ghehati igne. Ghehati neke farirhiu ghami ghotilo ka chekemi nei ka letas.

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Ululahu Korin 7:26

Tutuani, kate filoni iara puhi biꞌo nate mei ginauna, iara ne ghathoni igne, te keli na ghotilo au ka nakarha te au teu themi gognaro gne te mala tolaghi ba te mala theome tolaghi na.

Ululahu Korin 14:32

Mae iheire te toutonuni chekegna God na, mana tangomana te funei fruni ni nogna nolaghi thegna te mala toutonu na.