Fapea Tesalonika 2:14 - Buka Blahi Ka Cheke Holo

¹⁴ Ka Nonomho te Keli te mei toutonu ghehati igne, God neke kilo ghami ghotilo mala nogna naikno blahi mana. Jaola God neke kilo mei ghami ghotilo mala hatini u thofno nakarha te mei ka noda Lord Jisas Kraes.

Fapea Tesalonika 2:14 ပူးပေါင်းရင်းမြစ်များ

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Jone 17:22

Nolaghi biꞌo teke tusu mei iagho ka iara ia kela tusu laohi iara ka naiknore. Iara la tusu laohi ka mare mala kaisei ngala mare jateula tapa te kaisei gne eghu.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Fapea Pita 1:3

Ka nogna nolaghi God kligna, mae Jisas neke tusu ranghi ghita gobigna lepo te magnahaghedi tahati re mala au ka nakarha te doglo te magnahagheni God. Eghuteuna gobigna lepo igre noda tahati, eigna tahati thofno laseni mae Jisas Kraes mae ihei te kilo ghita ka nogna nolaghi te biꞌo nei nakarhagna te keli.