Fapea Tesalonika 2:13 - Buka Blahi Ka Cheke Holo

¹³ Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Fapea Tesalonika 2:13 ပူးပေါင်းရင်းမြစ်များ

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Ululahu Tesalonika 5:9

God theome vahi ghita mala para ghita kate diꞌatagna, nu mala hatini tahati u thofno nakarha na ka noda Lord Jisas Kraes.

Ululahu Tesalonika 1:4

Uve kheraguro, God namha ghami ghotilo. Eghuteuna ghehati laseni mana vahi ghami ghotilo mala nogna thegna.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Letas Teke Riso Tei Mae Pol Ka Khiloau Rom 9:11

Nu God magnahaghei te leghuni nogna gaoghatho thegna na neke vahini kaisei mae ka phiamare. Ka narane theome karha teku phiamare na, phiamare neke theome eni kaisei glepo te keli ba te diꞌa,

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Profet Daniel 9:23

Kate funu tarai iagho na, God na la nomhi nighohi. Tuana te meini iara na mala chekeni cheke tughu gna na ka iagho, naugna mana namha nigho iagho fara. Gognarona iagho fanomho fakeli kate rurutha iara gaoghathogna mifi igne.

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.

Fapea Tesalonika 2:12

Eghuteuna God ginauna fate falehedi gnafa, eigna mare ne tirodi fatutuani cheke te tutuani na, eghuteuna mare ne keli tadi te edi fabrahu glepo te diꞌare.

Efesus 2:8

Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Profet Jeremaea 31:3

Ka narane tuana, Lord neke falaseni thegna ka mae Israel neke cheke eghu, “Iara namha ghami ghotilo fabrahu fara, eghuteuna iara ginauna na ghatho tahu ghami ghotilo fabrahu.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Ululahu Jone 4:19

Tahati namha, naugna God neke kulu namha ghita.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Profet Daniel 10:11

Aonu mae igne ne cheke eghu ka iara, “Daniel, God na namha nigho iagho fara. Iagho kegra haghe mala fanomho fakeli ka cheke nate chekeni iara ka iagho igne. God neke kuru mei ghau iara mala filo nigho iagho.” Kate cheke eghu mana igne, iara ne kegra haghe, nu thinigu iara na ne ngegra ne fififri tongana.

Proveb 8:23

Funu tifa kani theome vuvuha nga teku Lord nauthoglu igne, mana neke vuavuha ghauhi iara neke kulu auhi.

Fapea Samuel 12:25

Aonu Lord ne kuruni mae Natan ne tei ka mae Devet mala kiloni mae sitei igne, Jedidaea, naugna gaoghathogna Jedidaea teu igne, Lord namhani fara mana.

Hibru 1:10

God ne cheke eghu langau, “Lord, ka fufunu gna ia iagho neke hohoro u nauthoglu igne. Eghuteuna maloa gne neke hohoro ka khamemure.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Fapea Timoti 2:15

Hati nhetamu na mala kaisei mae gloku keli, eghuteuna God ginauna keli tagna ka nou gloku iagho na. Iagho famane farirhiu thofno chekegna God na ka puhi te doglo mala theome mamaja nou ke ulugna mana.

Fapea Tesalonika 2:10

Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.

Letas Teke Riso Tei Mae Pol Ka Khiloau Rom 8:33

Eghuteuna ihei gne te tangomana te cheke fapari ghita tahati naikno teke vahi ghitahi God gre? Theo kaisei naikno! Naugna God thegna ngala teke chekeni ne naikno doglo tahati teku na.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 1:1

Tifa na, mae te kiloi “Chekegna God” gne neke kulu auhi. Mana neke kulu auhi balugna God, nei mana kaisei ngala balugna God.

Luku 1:75

Funu gognaro te ghilei lehe na, tahati ginauna na doglo nei blahi eghu fabrahu ke ulugna God.”

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.