Fapea Tesalonika 2:11 - Buka Blahi Ka Cheke Holo

¹¹ Eghume God ginauna snakre lao ka nafnata naikno igre kaisei nolaghi mala fatutuanidi thoutonu chaghi are.

Fapea Tesalonika 2:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Matiu 24:11

Kmana profet chaichaghi ginauna thakle mei. Mare na batu fadiꞌadi naikno kmana mala fatutuanidi kolho glepo te chaichaghire.

Ululahu Timoti 4:1

Mae Tharunga te Blahi neke thono cheke fara eidi keha naiknore ginauna tei kokoni nodi fatutuani na ka narane te mei thogheiro re. Mare ginauna leghudi keha naitu te lase chaichaghi fara re, eghuteuna mare ginauna leghu dila nogna farirhiu mae Satan.

Profet Esikiel 21:29

Nogna naflahi king gna Babilon igne ginauna kusu graradi naikno te diꞌa fara ka namono Amon. Narane te mala paradi mare na la meihi, naugna puhidi naikno igre thono diꞌa fara. Mifi teke filoni mare eigna naflahi igne theome tutuani, eghuteuna kate eni mare giligomo igne te mala laseni unha nate thoke mei na, cheke tughugna na khogla chaghi kolho.

Ululahu Tesalonika 2:3

Eghume cheke te edi ghehati te mala farerhetadi nomi fatutuani ghotilo re theome chaghi, theome gaoghatho fadiꞌa ba theome saosagro ghami.

Matiu 24:5

Naugna kmana naikno ginauna mei ka nanghagu iara. Mare ginauna cheke eghu, ‘Iara ngala mae Kraes na!’ Eghuteuna kmana naikno ginauna fatutuanidi mare.

Nodi Khoje Hatimare Mae Jiu 109:17

Mae igne neke magnahaghei te tibri falehedi keha naiknore. Eghume, jame te keli na, tibri teke edi mana tuare mala ke thokeni thegna! Mana neke theome magnahaghei te eni kaisei glepo te keli ranghidi keha naiknore. Eghume, thosei snakreni kaisei glepo te keli te mei ka mana na!

Profet Esikiel 14:9

“ ‘Jame kaisei mae chaghini kaisei mae profet, eghuteuna mae profet igne tusu lao kaisei cheke tughu chaichaghi, mana ginauna jateula iara Lord te chaghini na eghu. Eghuteuna iara ginauna roꞌeni mana ka nogu naiknore.

Profet Isaia 66:4

Eghume, iara ginauna na edi puhi biꞌo te mhaghudi fara ghotilo ra mala thoke ghami ghotilo, naugna kate kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na ghotilo tiromi leghu ghau iara, edi fabrahu ngala puhi te diꞌare.

Profet Jeremaea 27:10

Mae igre chaghi ghami ghotilo fabrahu. Nu jame te fatutuani di ghotilo nodi cheke mae igre na, iara ginauna khi tei ghami ghotilo ka vido aheva te khaba fara.

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Profet Jeremaea 4:10

Aonu iara na cheke eghu, “Lord God, iagho chaichaghidi kolho naiknodi Juda nei Jerusalem mala au mare ka pharikeli teku ia. Nu gognaro na mae naoka igre la meihi agne te mala falehe ghami ghehati na!”

Fapea Timoti 4:4

Eghuteuna mare ginauna figri tagruni farirhiu te tutuani na mala fanomho kolho ka thoutonu te chaichaghire.

Jenesis 39:19

Kate nomhidi nogna mae funei mae Josep na u nafnata thoutonu te edi khetogna na igre, mana ne thono diꞌatagna fara.