Fapea Tesalonika 2:10 - Buka Blahi Ka Cheke Holo

¹⁰ Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.

Fapea Tesalonika 2:10 ပူးပေါင်းရင်းမြစ်များ

Ululahu Korin 1:18

Thoutonu eigna glehegna Kraes ka gaju fafatha na igne theo gaoghathogna ka iheire te leghuni nabrou te mala lehe tifa te tifa. Nu tahati te karha ka God na, u thoutonu igne nogna nolaghi God mala fakarha ghita.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Fapea Korin 11:15

Eghume theome jaglo noda kate fariuriu nogna mae gloku Satan re te eni kaisei glepo biꞌo te mala jateula mae gloku teu te mala loku eigna unha te doglo na. Nu ka narane leghu lahu na, mae khuru chaichaghi igre ginauna au ka fate nabagna unha teke eni mare na.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Ululahu Timoti 2:4

God magnahaghedi naikno te gnafare mala athini karha fei tifa na nei mala laseni u Nonomho te Keli te tutuani na.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Fapea Korin 2:15

Ghehati na jateula nogna insens Kraes eghu mala kilo fnaknoni God ke lamnadi iheire God teke fakarhidi nei iheire te snivi fabrahu.

Letas Teke Riso Tei Mae Pol Ka Khiloau Rom 10:1

Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Jone 5:34

Iara theome lelheghu ka naiknogna nauthoglu gne te mala chekedi unha te edi iara re tutuani fara teuna. Nu iara chekeni ka ghotilo igne mala fatutuani ghotilo mala athani u karha fei tifa na.

Jone 3:17

Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.

Fapea Korin 11:13

Mae tuare theome thofno mae khuru tutuani nu mare mae khuru chaichaghi kolho. Hatimare chaghi eidi nodi glokure, eghuteuna mare fariuriu mala jateula nogna mae khuru tutuani Kraes eghu ka gaoghathodi naiknore.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Fapea Tesalonika 2:12

Eghuteuna God ginauna fate falehedi gnafa, eigna mare ne tirodi fatutuani cheke te tutuani na, eghuteuna mare ne keli tadi te edi fabrahu glepo te diꞌare.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.