Fapea Tesalonika 1:8 - Buka Blahi Ka Cheke Holo

⁸ Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Fapea Tesalonika 1:8 ပူးပေါင်းရင်းမြစ်များ

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Hibru 10:27

U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.

Nodi Khoje Hatimare Mae Jiu 79:6

Diꞌatamu sagho ka naikno bongihehe di keha kantri te theome pogho soru nigho nei tarai ka iagho teu are.

Hibru 10:30

Tahati laseni God neke cheke eghu, “Iara ngala nate tughu fapulo unha najafra te eni mare na!” Mana jaola neke cheke eghu, “Lord ginauna na fatedi nogna naiknore.”

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Galesia 4:8

Tifa, kani teke theome raꞌe lase fakelini teku God na, ghotilo neke sneka ka mumuju kolho.

Letas Teke Riso Tei Mae Pol Ka Khiloau Rom 6:16

Ghotilo kulu lasenihi igne, eigna te snakre ghami themi ghotilo te au ke parigna kaisei mae te mala leghuni nogna cheke na, ghotilo ginauna leghuni kolho nogna cheke naikno tuana. Ghotilo ginauna jateula tuana eghu ka nakhibo na. Naugna jame te eghu na, ghotilo ginauna jateula nogna mae sneka eghu kolho nakhibo, ka puhi tuana nakhibo na ginau falehe ghami kolho. Nu jame au jateula nogna mae sneka God teu ghotilo te mala leghudi chekegna mana re, God ginauna togho ghami mala au doglo ghotilo ke ulugna thegna.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Ululahu Tesalonika 4:5

Thosei lisa lao thinimi are ka gnognoro jateula naikno te theome laseni God ra eghu.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Jone 3:19

God fatedi naiknore ka puhi igne: mae Thugna God na neke meihi jateula ngau u naphae neku kau nauthoglu igne, nu naiknore theome magnahagheni mana. Naugna hatimare jateula te au kate romno ra neu ne edi glepo te thono diꞌa fara re.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Nodi Khoje Hatimare Mae Jiu 18:44

Kate nomhi ghau iara na, naiknodi keha kantri re ne ghosei ne mei pogho soru ke ulugu iara nei leghudi nogu cheke iara re.

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Diutronomi 5:5

Ka narane tuana iara neke kegra fari hoteimi ghotilo nei Lord, eghuteuna iara neke cheke ka ghotilo cheke teke chekedi Lord re, naugna ghotilo neke mhaghu fara ka khaꞌaghi igne neke theome tangomana tei kegra ka thogele na. “Eghuteuna Lord neke cheke eghu,

Diutronomi 4:30

Jame te thoke mei puhi biꞌo ka ghotilo te au papara fara ghotilo ka glepo igre na, ghotilo ginauna nake figri ka Lord nomi God mala ke leghuni mana.

Diutronomi 4:11

Kuꞌemi ghotilo ra neke kegra haghe ka pesigna Thogele Horeb, eghuteuna kaisei khoveo biꞌo te romno fara mei ne toku tafruni thogele igne, nu naphaegna khaꞌaghi na ne agha kligna ka maloa na.

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Jenesis 3:24

Ke leghugna te kuru fajifladi ka nagare Eden, God ne lilisei kaisei tothoghei engel mala kegra ke maghati gna nagare Eden, nei lilisei kaisei naflahi khaꞌaghi te dudulu te figri tafri na. Mana neke eni igne mala theome tangomana repa te lao thoke ka gaju te mala tusu lao karha na ka naiknore.

Ululahu Pita 3:6

Sera jateula tuana neku neke leghuni mae Ebraham neke kiloni mana mae funei. Jame edi koba ghotilo glepo te keli igre, nei theome mhaghuni kaisei glepo te eni ranghi ghami khetomire teuna, ghotilo ginauna jaola goro thugna Sera.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Fapea Korin 10:5

Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Letas Teke Riso Tei Mae Pol Ka Khiloau Rom 16:26

Tutuani, God mae ihei karha te tifa na ne falalase ranghi ghita u Nonomho te Keli igne ka unha teke riorisohi hatimare mae profet ra. Eghuteuna God cheke ranghi ghita mala toutonuni tahati u Nonomho te Keli igne, mala nu naikno ka namono te gnafa ka nauthoglu gne tangomana te fatutuani ni God nei leghuni mana.

Letas Teke Riso Tei Mae Pol Ka Khiloau Rom 15:18

Nu iara ginauna cheke thakleni kolho unha te eni Kraes ka iara na, ka puhi te batudi iheire te theome Jiu mala leghuni God. Mare leghuni God naugna ka unha te chekedi nei eni ranghidi teu iara re.

Letas Teke Riso Tei Mae Pol Ka Khiloau Rom 10:16

Nu theome naikno te gnafa Israel gre te magnahaghei nomhini u Nonomho te Keli igne. Jateula teke chekeni mae profet Isaia tifa ka grioriso te blahi ia, “Lord, kehaghu kolho te fatutuanidi unha te chekedi ghehati gre.”

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Jone 8:19

Hatimare ne ghusna eghu ka mae Jisas, “Aheva gne mae kmamu iagho te chekeni iagho na?” Mana ne cheke eghu ka mare, “Ghotilo theome lase ghau iara nei theome laseni la mae Mama. Jame lase ghau iara ghotilo na, ghotilo jame laseni la mae Mama.”

Profet Jeremaea 9:6

Ghema Jeremaea. Iagho tei au fari hoteidi naikno te chaichaghi koba nei theome filo glani ghau iara teu are.” Igne chekegna Lord.

Profet Isaia 61:2

Lord neke kuru ghau iara mala cheke thakleni narane Lord nate fablahidi nogna naiknore, eghuteuna mana ginauna uludi nodi naokare. Mana neke kuru ghau iara mala fameomegodi nagnafadi naikno te diꞌanagnafa nei tanhi teure,

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Ululahu Samuel 2:12

Phei thugna mae Pris Eli igre theome mae pris keli, eghuteuna phiamare theome ghatho tahuni Lord.

Profet Isaia 1:28

Nu Lord ginauna falehedi iheire te tapla jafra ka nakhibo nei iheire te figri tagruni Mana.

Profet Jeremaea 10:25

Fakakhana te diꞌatamu na sagho ka naiknodi keha kantri te theome ghatho tahu nigho are, nei iheire te theome tarai ka iagho teu are. Naugna, mare neke goigoni ghami ghehati vikegna mae Jekop, eghuteuna mare jaola goigoni nomi glose nei nomi suga teu ghehati gre.

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Fapea Samuel 23:7

Phono igne, mana hata naflahi thagho ba goru mala hata tei gnubra ka khaꞌaghi.”