Fapea Tesalonika 1:6 - Buka Blahi Ka Cheke Holo

⁶ Eghuteuna God ginauna eni unha te doglo fara. Mana ginauna foli fapulo puhi biꞌo fara ka iheire te ei puhi biꞌo ranghi ghami ghotilo.

Fapea Tesalonika 1:6 ပူးပေါင်းရင်းမြစ်များ

Kolose 3:25

Eghuteuna God na theome vahini ihei. Eghume, ihei te edi glepo te diꞌare God ginauna nake foli fapulo ka mana leghuni unha teke eni mana na.

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Profet Isaia 49:26

Iara ginauna faꞌeiꞌeidi mae teke para ghami ghotilo ra mala jateula mae te koꞌu beer te thaviru ra eghu mare mala ghilei falehe naikno fari thedi. Aonu naikno te gnafa ka nauthoglu igne ginauna laseni te iara Lord te fakarhi ghami ghotilo na. Eghuteuna mare ginauna na jaola lase ghau iara nodi God vikegna mae Jekop mae ihei te nolaghi te fakarhi ghami.”

Eksodas 23:22

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Thakle 18:24

Papara igne thokeni Babilon naugna naiknogna namono tuana neke falehedi hatimare mae profet nei keha nogna naikno God teke au ka namono tuana. Tutuani, mare neke falehedi naikno te gnafa ka nauthoglu igne.

Eklesiasti 3:17

Igne unha te ghathoni iara na, “God ginauna na kafe fate falehedi naikno te doglo nei naikno te diꞌa teu igre. Eigna mana liliseihi narane te mala fatedi gobigna lepo fateote'o te edi naiknore.”

Profet Jeremaea 50:29

Lord ne cheke eghu, “Ghotilo mae te lase fada ka phaloho ra, ghotilo tei magra Babilonia. Ghotilo bara ligohoni Babilonia mala theome tangomana kaisei naikno te rikha na. Ghotilo ke tughu fapulo unha teke edi mare ra. Uve, paradi si ghotilo jateula teke edi mare ka keha naikno ra eghu. Naugna mare ne phaꞌu maku fara ne theome leghu ghau iara Lord nodi God mae Israel te thofno blahi fara.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.