Fapea Tesalonika 1:5 - Buka Blahi Ka Cheke Holo

⁵ Glepo igre thofno falalase puhigna God mala fatedi naiknore thofno doglo fara. Eigna God magnahaghei ghami ghotilo naba te mala au baludi naikno God te funei frunidi. Tuana gaoghathogna te au papara ghotilo gne.

Fapea Tesalonika 1:5 ပူးပေါင်းရင်းမြစ်များ

Filipae 1:28

Eghuteuna thosei mhaghudi iheire te theome magnahaghei ghami ghotilo na, nu te keli na kegra maku koba. Te eni ghotilo tuana na, mare ginauna laseni te theo kaisei nodi nolaghi te mala falehe ghami ghotilo na. Nu mare ginauna laseni God ngala te au nolaghi te mala fakarhi ghami ghotilo na nei paradi mare.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Luku 20:35

Eghuteuna te mala au ka nauthoglu majaghani na, nalhaꞌu ba gaꞌase te nabadi ka karha fapulo ka glehere, mare ginauna theome tolaghi jare.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Thakle 3:4

Nu kehaghu kolho ka ghotilo jare Sadis te au doglo ke ulugna God te theome leghuni u puhi nakhibo na. Mare reireghi fakelidi thedi jateula kaisei mae te reireghi fakelidi nogna pohere te mala theome thona teu ia eghu. Mare ginauna pipichi pohe vegha eghuteuna mare ginauna na au balugu iara. Mare nabadi te eni igne naugna nodi gloku na keli fara ke ulugu iara.

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Kolose 1:12

Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Nodi Khoje Hatimare Mae Jiu 111:7

Puhigna mana na thono tutuani fara nei doglo eghu. Tahati nabada te fatutuanidi nei leghudi teu nogna vetula mana re.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Nodi Khoje Hatimare Mae Jiu 50:6

Gobigna lepo ka maloa na are cheke thakleni puhigna God te doglo na, eghuteuna mana ngala te tangomana te fateni naikno na.

Nodi Khoje Hatimare Mae Jiu 33:5

Lord na namhadi fara naikno te au fadoglo nei edi unha te keli re teuna. Tutuani fara, mana namhadi fara naikno te gnafa te au heva heva kau nauthoglu gne.

Thoutonu Eigna Mae Job 8:3

God na theome tangomana faphireini puhi te doglo na mala ke peko tafri. God mae ihei te au nolaghi fateote'o igne theome tangomana te faphireini unha te doglo na.